మహేష్ సినిమాకు అడ్డుగా ఆ నిర్మాత.. ఏం జరుగుతోంది!

అంతకు మించి ఉండేలా

భారత్ అనే నేను చిత్రంతో మహేష్ సృష్టించిన సంచలనం అంతా ఇంతా కాదు. మహేష్ ఈ చిత్రంలో అద్భుతమైన నటన కనబరిచాడు. బలమైన సందేశంతో పాటు కమర్షియల్ అంశాలు కూడా ఈ చిత్రంలో ఉండడంతో భారీ విజయం సాధించింది. తన తదుపరి చిత్రం ఇంతకు మించేలా ఉండలని మహేష్ భావిస్తున్నాడు.

వంశీ పైడిపల్లి దర్శకత్వంలో

వంశీ పైడిపల్లి దర్శకత్వంలో రూపొందనున్న మహేష్ తదుపరి చిత్రం జూన్ నుంచి పట్టాలెక్కనుంది. దిల్ రాజు, అశ్విని దత్ ఈ చిత్రాన్ని సంయుక్తంగా నిర్మించనున్నారు.

ఆ అడ్డంకి తొలగిపోతుందా

మహేష్, వంశీ పైడిపల్లి చిత్రానికి అడ్డుగా ఓ నిర్మాత ఉన్నారు. పీవీపీ నిర్మాణంలో మహేష్ బాబు బ్రహ్మోత్సవం చిత్రం చేసిన సంగతి తెలిసిందే. ఆ చిత్రం మహేష్ అభిమానులని సైతం నిరాశ పరిచింది. దీనీతో పీవీపీ నిర్మాణంలో వంశి పైడిపల్లి దర్శకత్వంలో సినిమా చేయడానికి మహేష్ ఒప్పందం కుదుర్చుకున్నాడు.

వివాదం మొదలైంది

కానీ ఆ ఒప్పందం అతిక్రమించి మరో నిర్మాణ సంస్థలో మహేష్, వంశి పైడిపల్లి సినిమా చేస్తున్నారని పీవీపీ నోటీసులు పంపారు. ఈ వ్యవహారం తేలేవరకు ఈ చిత్రం ప్రారంభం కావడానికి వీల్లేదంటూ కోర్టునుంచి స్టే తెచ్చుకున్నారు.

పీవీపీకి వాటా

ఈ వివాదంలో చర్చలు జరుగుతున్నట్లు తెలుస్తోంది. పీసీపీని ఈ చిత్రంలో భాగస్వామిగా చేర్చుకునే ప్రయత్నాలు జరుగుతున్నట్లు సమాచారం అందుతోంది. దీనిపై అధికారిక ప్రకటన రావలసిఉంది.