టైటిల్ మార్చాం..చూడండి ప్లీజ్

By Staff

Published: Friday, January 30, 2009, 12:17 [IST]

ఆ మధ్య ఆర్.నారాయణ మూర్తి... దేవరకొండ వీరయ్య..అనే సినిమాని...కూతురు కోసం అనే ట్యాగ్ లైన్ పెట్టి రిలీజ్ చేసారు. అయితే అస్సలు వర్కవుట్ కాలేదు. క్షౌరవృత్తి చేసుకునే వారి బ్రతుకు తెరువు,సమస్యల నేపధ్యంలో ఆయోషా హత్య కేసు కలిపి ఈ చిత్రాన్ని నిర్మించారు. కథన సమస్య ఈ సినిమాకు అప్పట్లో మైనస్ అయ్యి మహా నసగా మిగిలి ప్రేక్షకులకు దూరం అయింది. అయితే నారాయణ మూర్తి మాత్రం టైటిల్ సరిగా పెట్టకపోవటం వల్లే సినిమా పోయిందని భావించి...ఈ సారి దాన్ని మార్చి రిలీజ్ చేద్దామనే నిర్ణయానికి వచ్చినట్లు తెలుస్తోంది.

ఈ సారి టైటిల్ ..ట్యాగ్ లైన్ గా పెట్టిన కూతురు కోసం అని ఉంటుంది. అయితే ఇది దేవరకొండ వీరయ్య సినిమానే అని బహిరంగంగా ప్రకటన చేసి చిత్రాన్ని రిలీజ్ చేస్తారో ..లేక సైలెంట్ గా ఓ కొత్త చిత్రం అని బిల్డప్ ఇచ్చి రిలీజ్ చేస్తారో అని ఫిల్మ్ నగర్ వాసులు ఆసక్తి గా చూస్తున్నారు. ఎందుకంటే ఈ ప్రయోగం సక్సెస్ అయితే చాలామంది తమ ఫ్లాప్ లను త్రవ్వి తీసుకుని మళ్ళీ టైటిల్ మార్చి రిలీజ్ చేసుకునే అవకాశం ఉంటుందని భావిస్తున్నారు. ఇక పోస్టర్స్ కూడా కొత్త డిజైన్స్ తో వేయిస్తున్నారని సమాచారం. మరి నారాయణ మూర్తి కొత్త ఆలోచన సక్సెస్ కావాలని ఆశిద్దాం.

More from Filmibeat