»   » కలవరపెడుతున్నాయి: "రేసు గుర్రం" 4 రోజుల కలెక్షన్స్

కలవరపెడుతున్నాయి: "రేసు గుర్రం" 4 రోజుల కలెక్షన్స్

Posted By:
Subscribe to Filmibeat Telugu

హైదరాబాద్: అల్లు అర్జున్ తాజా చిత్రం "రేసు గుర్రం" 1050 థియోటర్స్ తో ప్రపంచవ్యాప్తంగా శుక్రవారం విడుదల అయ్యింది. మార్నింగ్ షోకే ఈ చిత్రం హిట్ టాక్ ని సొంతం చేసుకుంది. అలాగే ఓపినింగ్స్ సైతం అల్లు అర్జున్ కెరీర్ లో బెస్ట్ అన్న రీతిలో వచ్చాయి. కలెక్షన్స్ లో సైతం రేసు గుర్రం టైటిల్ కు తగ్గట్లే పరుగెడుతోంది. దీంతో పోటీగా ఉన్న మిగతా హీరోల్లో కలవరం మొదలైందని,వారు పూర్తిగా ఎప్పటికప్పుడు కలెక్షన్స్ ని డిస్ట్రిబ్యూటర్స్ ద్వారా తెలుసుకుంటూ అబ్జర్వ్ చేస్తున్నారని అంటున్నారు. ఫిల్మ్ ఉన్న ఈ చిత్రం ఎపిలో నాలుగు రోజులు మాకు అందిన సమచారం ప్రకారం ఏరియా వైజ్ గా అందిస్తున్నాం.

నైజాం Rs. 6.24 కోట్లు

సీడెడ్ Rs. 3.46 కోట్లు

నెల్లూరు Rs. 0.94 కోట్లు

కృష్ణా Rs. 1.18 కోట్లు

గుంటూరు Rs. 1.56 కోట్లు

వైజాగ్ Rs. 1.81 కోట్లు

పశ్చిమ గోదావరి Rs. 1.06 కోట్లు

తూర్పు గోదావరి Rs. 1.18 crores

మొత్తం (AP) Rs. 17.43 కోట్లు,

ప్రపంచవ్యాప్తంగా... 22.5 కోట్లు ఈ చిత్రం సాధించింది. యాభై కోట్లు మార్క్ ని ఈజీగా ఈ చిత్రం అతి త్వరలో సాధిస్తుందని అంటున్నారు.

Race Gurram 4 days collections

ఇక ఈ చిత్రం కథ ఏమిటంటే.... అన్నదమ్ములైన రామ్(శ్యామ్),లక్ష్మణ్ అలియాస్ లక్కీ(అల్లు అర్జున్) చిన్నప్పటి నుంచి టామ్ అండ్ జెర్రీ తరహాలో కొట్టుకుంటూ ఎదుగుతారు. పెద్దయ్యాక ఎసిపి గా ఎదిగిన రామ్ ... తన నిజాయితీతో లోకల్ రాజకీయనాయకుడు శివారెడ్డి(రవికిషన్) కి సమస్యగా మారతాడు. అతనికి వ్యతిరేకంగా సాక్ష్యం సంపాదిస్తాడు. దాంతో శివారెడ్డి అతన్ని అడ్డు తప్పించుకోవాలనుకుంటాడు. ఆ విషయం తెలిసిన తమ్ముడు లక్కీ ఏం చేసాడు. తన అన్నను ఎలా ఆ కుటిల రాజకీయనాయకుడు నుంచి రక్షించాడు...ఆ క్రమంలో కిల్ బిల్ పాండే(బ్రహ్మానందం) ఎలా ఉపయోగపడ్డాడు అన్నది మిగతా కథ. అలాగే...లక్కీ తొలిచూపులోనే ప్రేమలో పడిన స్పందన(శృతి హాసన్)ని ఎలా దక్కించుకున్నాడు...సినిమాలో సలోని పాత్ర ఏమిటి అన్నది తెలుసుకోవాలంటే సినిమా చూడాల్సిందే.

స్టోరీ లైన్ గా సునీల్, నాగచైతన్య నటించిన 'తడాఖా' గుర్తుకు వచ్చినా దాన్ని విభిన్నమైన క్యారెక్టరైజేషన్స్, కామెడీ సన్నివేశాలతో మైమరిపించగలిగారు. ఫక్తు కామెడీ వ్యవహారం కావటంతో ట్విస్ట్ లు లేకపోవటమే కలిసివచ్చింది. 'కిక్' చిత్రం తరహాలో పూర్తిగా కామెడీతో చిత్రాన్ని పరుగెత్తించాలన్న దర్శకుడు నిర్ణయం సినిమాకు బాగా ప్లస్ అయ్యింది. ఫస్టాఫ్ లో ఫ్యామిలీలను టార్గెట్ చేస్తూ రాసుకున్న సీన్స్ కూడా నీట్ గా ఉన్నాయి. కిల్ బిల్ పాండే గా బ్రహ్మానందం మరోసారి విజృంభించాడు. అలీ.. 'బాలీ ఫ్రమ్ మలేషియా'(కిక్ లో పాత్ర కంటిన్యూషన్) గా బాగా నవ్వించాడు. అలాగే యాక్షన్ ఎపిసోడ్స్ బాగా డిజైన్ చేసారు అదే సినిమాకు కలిసి వచ్చిందంటున్నారు.

కోట శ్రీనివాసరావు, ప్రకాష్‌రాజ్, అలీ, ఎమ్మెస్ నారాయణ, రఘుబాబు, ముఖేష్‌రుషి, ఆశిష్ విద్యార్థి, నవాజ్ సోనూ తదితరులు ఇతర పాత్రలు పోషిస్తున్న ఈ చిత్రానికి రచన: వక్కంతం వంశీ, కెమెరా: మనోజ్ పరమహంస, సంగీతం: ఎస్.తమన్, కూర్పు: గౌతంరాజు, నిర్మాతలు: నల్లమలుపు శ్రీనివాస్(బుజ్జి), డా.కె.వెంకటేశ్వరరావు, నిర్మాణం: శ్రీలక్ష్మీనరసింహా ప్రొడక్షన్స్.

English summary
Allu Arjun starrer Race Gurram has stormed the box-office . ‘Race Gurram’ raked around Rs. 17.43 crores for 4 days in AP. Worldwide share of 'Race Gurram' is above 22.5 crores, according to high profile trade analysts.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu