Radhe Shyam దెబ్బతో మరిపోనున్న థమన్ కెరీర్.. ప్రభాస్ వదిలేలా లేడు.. మరో ఆఫర్?

Published: Friday, March 11, 2022, 19:27 [IST]

టాలీవుడ్ సినిమా ఇండస్ట్రీలో ఇటీవల కాలంలో థమన్ పేరు ఏ స్థాయిలో మారుమ్రోగిపోతుందో ప్రత్యేకంగా చెప్పనవసరం లేదు. అతను ఎలాంటి మ్యూజిక్ ఇచ్చిన కూడా ఇచ్చి పడేస్తున్నాడు అని జనాలు చాలా పాజిటివ్ కామెంట్ చేస్తున్నారు. ఒకప్పుడు కాపీ ఆరోపణలు ఎక్కువగా ఎదుర్కొన్న థమన్ ఇటీవల కాలంలో మాత్రం చాలా కొత్తగా ట్రై చేసి తన టాలెంట్ ను నిరూపించుకుంటూ వస్తున్నాడు. ముఖ్యంగా అఖండ సినిమాతో తన స్థాయి మరింత పెరిగి పోయింది అని చెప్పాలి. ఇక రీసెంట్ రాధే శ్యామ్ సినిమా కోసం కూడా థమన్ ఇచ్చిన బ్యాగ్రౌండ్ మ్యూజిక్ మరింత క్లిక్ అయింది. అయితే ప్రభాస్ థమన్ కు మరొక గొప్ప ఆఫర్ ఇవ్వబోతున్నట్లు తెలుస్తోంది. ప్రస్తుతం లైనప్ లో చాలా పెద్ద సినిమాలను సెట్ చేసుకున్న ప్రభాస్ ఏ దర్శకుడి సినిమాకు థమన్ ను సెలెక్ట్ చేసుకున్నాడు అనేది ఆసక్తిగా మారింది. ప్రస్తుతం ఒక డైరెక్టర్ పేరు అయితే గట్టిగానే వినిపిస్తోంది. ఆ వివరాల్లోకి వెళితే..

ఎప్పుడైతే అతని చేతిలో పడ్డాడో..

గత కొన్నేళ్ల ముందు వరకు కూడా థమన్ ఎక్కువగా కాపీ ఆరోపణలు ఎదుర్కొంటూ వచ్చాడు. కానీ ఎప్పుడైతే అతను త్రివిక్రమ్ చేతిలో పడ్డాడో అప్పటి నుంచి చాలా విభిన్నమైన మ్యూజిక్ అందించడం మొదలు పెడుతున్నాడు. సినిమాకు తగ్గట్టుగా సరిపోయే మ్యూజిక్ ను ఇవ్వడంతో ఇప్పుడు తను స్పెషలిస్ట్ గా మారుతున్నాడు. అల వైకుంఠపురములో సినిమా నుంచి అతని కెరీర్ ఒక్కసారిగా మారిపోయింది.

ఒక్కసారి థమన్ తో వర్క్ చేస్తే..

ప్రస్తుతం త్రివిక్రమ్ శ్రీనివాస్ అయితే ఎక్కువగా తనకు తెలిసిన సినిమాలన్నిటికీ కూడా మొదటి ఆప్షన్ గా తమన్ సెట్ చేస్తుండడం విశేషం. ఒకప్పుడు దేవి శ్రీ ప్రసాద్ తో బ్యాక్ టు బ్యాక్ సినిమాలు చేసిన త్రివిక్రమ్ ఇప్పుడు మాత్రం థమన్ తోనే మళ్లీ తన ప్రయాణాన్ని కొనసాగిస్తున్నాడు. థమన్ కూడా ఒకసారి పని చేస్తే మరోసారి అతనితోనే పని చేయాలి అనే విధంగా మిగతా దర్శకులు హీరోలు కూడా ఆలోచిస్తున్నారు.

ఆర్థిక ఇబ్బందులు..

థమన్ కూడా దర్శకులతో తన బాండింగ్ ను ఎక్కువగా పెంచుకుంటున్నాడు అనే చెప్పాలి. సినిమాకు కేవలం మ్యూజిక్ అందించడం మాత్రమే కాకుండా వారితో ఎక్కువగా ట్రావెల్ అవుతూ వస్తున్నాడు. ఇక యూవీ క్రియేషన్స్ అతనికి గతంలో భాగమతి మహానుభావుడు అనే ఆఫర్లు ఇవ్వడం మేజర్ ప్లస్ పాయింట్. అప్పుడు ఆర్థికంగా కూడా తమ కొన్ని ఇబ్బందులు ఎదుర్కొంటున్న తరుణంలో ఆ సినిమాలు ఇచ్చి చాలా హెల్ప్ చేశారు అని థమన్ ఇటీవల ఓ ఇంటర్వ్యూలో చెప్పాడు.

రాధే శ్యామ్ ఆఫర్ తో..

ఆ రుణంతోనే యు.వి.క్రియేషన్స్ లో మరో సినిమా చేయాలని ఎప్పటి నుంచో అనుకుంటున్నట్లు థమన్ చెప్పుకొచ్చాడు. మొత్తానికి ప్రభాస్ రాధే శ్యామ్ సినిమాకు బ్యాగ్రౌండ్ మ్యూజిక్ అందించే అవకాశం దక్కించుకున్నాడు. అయితే థమన్ అందించిన బ్యాక్ గ్రౌండ్ మ్యూజిక్ అయితే ప్రభాస్ కు చాలా బాగా నచ్చేసింది అందుకే అతనితో మరో సినిమా చేయాలని ఫిక్స్ అయ్యాడట.

థమన్ సినిమా కోసం...

మొత్తానికి థమన్ ప్రభాస్ ను కూడా ఆకర్షించేశాడు. ఇక ప్రభాస్ ప్రస్తుతం లైనప్ లో చాలా పెద్ద సినిమాలు ఉన్నాయి. కాబట్టి తప్పకుండా ఏదో ఒక సినిమాకు అతనికి అయితే ఇవ్వాలని అనుకుంటున్నాడు. ఇక అందులో ఎక్కువగా మారుతి దర్శకత్వంలో తెరకెక్కబోయే హారర్ కామెడీ సినిమాకు సెలెక్ట్ అయ్యే అవకాశం ఉన్నట్లుగా తెలుస్తుంది. ఆ సినిమాను మరికొన్ని రోజుల్లో మొదలుపెట్టి వచ్చే ఏడాది సమ్మర్ అనంతరం విడుదల చేయాలని అనుకుంటున్నారు.