ఎన్టీఆర్, రాంచరణ్ మల్టీస్టారర్.. రాజమౌళి తనయుడికి కీలక బాధ్యతలు!

నటీనటుల ఎంపిక

రాజమౌళి తెరకెక్కించబోతున్న ఈ చిత్రాన్ని ప్రస్తుతానికి ట్రిపుల్ ఆర్ అని పిలుస్తున్నారు. ఈ చిత్ర నటీనటుల ఎంపిక ప్రారంభమైంది. ఎన్టీఆర్, రాంచరణ్ పాత్రల గురించి రకరకాల ఊహాగానాలు వినిపిస్తున్నాయి. హీరోయిన్లు, ఇతర ప్రధాన తారాగణం విషయంలో రాజమౌళి ఓ అంచనాలు వచేశారట.

తనయుడికి

రాజమౌళి ఏ చిత్రాన్ని తెరకెక్కించిన అతడి కుటుంబం మొత్తం కలసి కట్టుగా ఆ పనిచేస్తుంది. ట్రిపుల్ ఆర్ సినిమాకు సంబంధించి కొందరి నటుల ఎంపిక ప్రక్రియని రాజమౌళి తన తనయుడు కార్తికేయపై అప్పగించినట్లు వార్తలు వస్తున్నాయి. కేరళకు నటుల్ని ఎంపిక చేయడానికి కార్తికేయ మలయాళీ గడ్డపై అడుగుపెట్టాడట. దీనికి సంబంధించి వార్త సోషల్ మీడియాలో వైరల్ గా మారింది.

300 కోట్ల బడ్జెట్

బాహుబలి చిత్రం తరువాత రాజమౌళి మార్కెట్ కు పరిథి లేదా అన్నట్లుగా అతడి ఖ్యాతి దశదిశలా వ్యాపించింది. ట్రిపుల్ ఆర్ చిత్రానికి కూడా కేరళనుంచి జూనియర్ ఆర్టిస్టులని, నటుల్ని దించుతున్నారంటే ఈ చిత్రం ఎంతభారీగా తెరకెక్కబోతుందో అర్థం చేసుకోవచ్చు. అందుకే ఈ చిత్రానికి 300 కోట్ల బడ్జెట్ కేటాయిస్తున్నారు.

నవంబర్ నుంచి

అంత్యంత ఆసక్తి రేపుతున్న ఎన్టీఆర్, రాంచరణ్ మల్టీస్టారర్ చిత్రం నవంబర్ నుంచి సెట్స్ పైకి వెళ్లే అవకాశాలు కనిపిస్తున్నాయి. డివివి దానయ్య ఈ చిత్రాన్ని నిర్మించనున్నారు.