హోమ్

గాసిప్స్

సూపర్‌స్టార్ రజినీకాంత్.. దర్భార్ చిత్రంతో సంక్రాంతికి భారీ హిట్టు కొట్టాడు. ఏఆర్ మురుగదాస్ కాంబినేషన్‌ అనగానే అందరికీ అంచనాలు ఆకాశన్నంటాయి. వాటికి తగ్గట్టే తలైవా అభిమానులకు కిక్కిచ్చేలా దర్బార్ చిత్రాన్ని తెరకెక్కించాడు. వరల్డ్ వైడ్‌గా ఈ చిత్రం దాదాపు 250కోట్లను కొల్లగొట్టినట్టు సమాచారం. ఇప్పటికీ హౌస్ ఫుల్ కలెక్షన్లతో దూసుకుపోతూనే ఉంది.

ఓ వైపు దర్బార్ దూసుకుపోతూ ఉంటే మరోవైపు తదుపరి ప్రాజెక్ట్‌పై ఫోకస్ పెట్టేశాడు తలైవా. తల అజిత్‌తో వీరం, వేదాలం, వివేకం, విశ్వాసం వంటి బ్లాక్ బస్టర్ చిత్రాలను తెరకెక్కించిన శివ.. రజినీతో చేయబోతున్నాడు. ఈ మూవీకి సంబంధించిన ఓ అప్‌డేట్ చక్కర్లు కొడుతోంది.

సూప‌ర్‌స్టార్ ర‌జినీకాంత్ 168వ చిత్రం శివ ద‌ర్శ‌క‌త్వంలో రూపొందుతోన్న ఈ చిత్రానికి టైటిల్ ఫిక్స్ చేసినట్టు సోషల్ మీడియాలో టాక్ నడుస్తోంది. ఈ సినిమాకు అన్నాత్త‌ అనే టైటిల్‌ను ఖ‌రారు చేశార‌ని టాక్‌. త్వ‌ర‌లోనే అధికారిక స‌మాచారం వెలువ‌డ‌నుంది. ఈ సినిమా టైటిల్ ట్రాక్ నుండే ఈ టైటిల్‌ను తీసుకున్నార‌ని కోలీవుడ్ వ‌ర్గాల స‌మాచారం. ఖుష్బూ, మీనా న‌టిస్తోన్న ఈ చిత్రంలో కీర్తి సురేశ్ కీల‌క పాత్ర‌లో న‌టిస్తుండగా స‌న్‌పిక్చ‌ర్స్ సంస్థ నిర్మిస్తోంది.