హోమ్

గాసిప్స్

హైదరాబాద్: సౌతిండియా స్టార్ రజనీకాంత్ త్వరలో ‘లింగా' చిత్రం ద్వార ప్రేక్షకుల ముందుకు రాబోతున్నసంగతి తెలిసిందే. కెఎస్ రవికుమార్ దర్శకత్వం వహిస్తున్న ఈ చిత్రాన్ని రాక్ లైన్ వెంకటేష్ నిర్మిస్తున్నారు. రజనీకాంత్ పుట్టినరోజు సందర్భంగా డిసెంబర్ 12న ఈ చిత్రం విడుదల కాబోతోంది. ఇటీవలే ఈ చిత్రం హక్కులను ఈరోస్ ఇంటర్నేషనల్ సంస్థ 165 కోట్లకు కొనుగోలు చేసింది.

తాజాగా ఈ చిత్రానికి రజనీకాంత్ తీసుకునే రెమ్యూనరేషన్ గురించి ఓ వార్త వెలుగులోకి వచ్చింది. ఈ చిత్రానికి రజనీకాంత్ రూ. 60 కోట్ల పారితోషికం తీసుకుంటున్నారట. అదే నిజమైతే రజనీకాంత్ రేంజి ఏమిటో ఊహించుకోవచ్చు. దాదాపు 100 కోట్లకు పైగా బడ్జెట్లో రజనీకాంత్ రెమ్యూనరేషనే ఎక్కువ అని అంటున్నారు.

ఈ చిత్రంలో రజనీకాంత్ ద్విపాత్రాభినయం చేస్తున్నారు. అనుష్క, సోనాక్షి సిన్హా హీరోయిన్లు. ఇటీవల విడుదలైన టీజర్ సినిమాపై అంచనాలు మరింత పెంచాయి. ఈ చిత్రానికి ఏఆర్ రెహహాన్ సంగీతం అందిస్తున్నారు. రత్నవేలు సినిమాటోగ్రఫీ అందిస్తున్నాడు. ఇండియాలోని అతి ఉత్తమమైన సాంకేతిక నిపుణులు పని చేస్తున్న ఈ చిత్రం మొదటి లుక్ విడుదలైనప్పటి నుండి రెస్పాన్స్ అదిరిపోతోంది.

రజనీ-రవికుమార్ కాంబినేషన్ కూడా ఇంత క్రేజ్ పెరగడానికి మరో కారణం. గతంలో వీరి కాంబినేషన్‌లో వచ్చిన ముత్తు, అరుణాచలం, న‌ర‌సింహ చిత్రాలు ఎంత పెద్ద విజయాలు సాధించాయో అందరికి తెలిసిందే. మరి ఇపుడు ‘లింగా' చిత్రం ఎలాంటి రికార్డులు సృష్టించబోతోందో చూడాలి.