ఎంఎస్ ధోనీ మూవీ: రామ్ చరణ్ కూడా, సర్ ప్రైజ్ చేయాలనే సస్పెన్స్?

సర్ ప్రైజ్ చేయాలనే

అయితే ప్రేక్షులను సర్ ప్రైజ్ చేయాలనే ఉద్దేశ్యంతోనే ఈ విషయాన్ని గోప్యంగా ఉంచారనే ప్రచారం జరుగుతోంది. అంతేకాదు పాకిస్థాన్‌ నటుడు ఫవాద్‌ ఖాన్‌ విరాట్‌ కొహ్లీ పాత్రను పోషించినట్లు వార్తలు వెలువడ్డాయి.

రామ్ చరణ్ పేరు చెబితే సినిమాపై అంచనాలు మరోలా ఉంటాయనే

అయితే రామ్ చరణ్ కనిపించేది కేవలం ఒక చిన్న సీన్లో మాత్రమే. బయట పబ్లిసిటీ చేసేంత, ట్రైలర్లో చూపేంత పెద్ద సీన్ లేదు కాబట్టే ఆయన పేరును, ఫోటోలను ప్రచారంలో వాడటం లేదని అంటున్నారు. రామ్ చరణ్ ఉన్నాడని ప్రచారం చేస్తే సినిమాపై ప్రేక్షుకులు మరోలా ఉహించుకోవడం సినిమాను ఇబ్బందుల్లో పడేసే అవకాశం ఉందనే వాదన కూడా ఉంది.

అదే నిజమైతే....

ప్రస్తుతానికైతే రామ్ చరణ్ ఉంటాడనేది కేవలం ఊహ మాత్రమే. ఒక వేళ రామ్ చరణ్ సినిమాలో ఉంటే మాత్రం... ప్రేక్షకులు థ్రిల్ అయ్యే అవకాశం ఉంది. ఈ సడెన్ సర్ ప్రైజ్ వసూళ్ల పరంగా కలిసి రావొచ్చు.

అంచనాలు భారీగా

ధోనీ క్రికెట్ జీవితం మాత్రమే మనకు తెలుసు. ఈ సినిమాలో ధోనీ చిన్నతనం, క్రికెటర్ గా ఎదిగిన వైనం, ఈ స్థాయికి రావడానికి ఆయన ఎన్ని కష్టాలు పడ్డాడు, ఎంత శ్రమించారు అనేది సినిమాలో ఆసక్తికరంగా చూపించబోతున్నారు. ధోనీ పాత్రలో బాలీవుడ్ నటుడు సుశాంత్ సింగ్ రాజ్ పుత్ నటిస్తున్నాడు. ధోనీ భార్య సాక్షి రావత్ పాత్రలో కైరా అద్వానీ నటిస్తున్నారు. భూమిక చావ్లా, దిశా పటాని కూడా ముఖ్యమైన పాత్రల్లో నటిస్తున్నారు. నీరజ్ పాండే దర్శకత్వం వహించిన ఈ సినిమా సెప్టెంబర్ 30న ప్రేక్షకుల ముందుకు రాబోతోంది.