చిరు కొరటాల మూవీ.. మెగాస్టార్ పాత్రకు ధీటుగా రామ్ చరణ్

అట్ట హాసంగా పూజా కార్యక్రమాలు..

చిరు-కొరటాల మూవీకి సంబంధించిన పూజా కార్యక్రమాలు.. ఎంతో ఘనంగా జరిగాయి. అక్టోబర్‌లో జరిగిన ఈ వేడుకకు మెగా ఫ్యామిలీ అంతా తరలి వచ్చింది. అయితే ఈ సినిమాకు సంబంధించిన షూటింగ్ మాత్రం ఆలస్యమవుతూ వచ్చింది. దానికి కారణం..చిరు ఫిట్‌నెస్సే. ఈ మూవీలో మరింత స్లిమ్‌గా కనబడాలని, దాని కోసం కసరత్తులు చేస్తూ వచ్చాడు.

పాటలతో షూటింగ్ ప్రారంభం..

ఈ మూవీ షూటింగ్ జనవరిలో ప్రారంభమైనట్టుగా వార్తలు వచ్చాయి. పాటతో సినిమా షూటింగ్ మొదలైందని తెలుస్తోంది. ఈ సినిమాలో చిరుకు జోడిగా త్రిష ఫిక్స్ అయింది. అయితే ఈ విషయాన్ని మాత్రం నిర్మాతలు అధికారికంగా ప్రకటించలేదు.

మల్టీ స్టారర్ అంటూ ప్రచారం..

కొరటాల తెరకెక్కించే ఈ మూవీ మల్టీ స్టారర్ అని ప్రచారం జరగుతూ వస్తోంది. ఈ చిత్రంలో రామ్ చరణ్ కూడా నటిస్తారని రూమర్స్ వినిపించ సాగాయి. అయితే ఈ వార్తలను చిత్ర యూనిట్ ఖండించలేదు. తాజాగా రామ్ చరణ్ పాత్ర తీరు, నిడివికి సంబంధించిన అప్‌డేట్ కూడా వచ్చేసింది.

ఫ్లాష్ బ్యాక్‌లో రామ్ చరణ్..

చిరు 152 సినిమాలో ఫ్లాష్ బ్యాక్ ఎపిసోడ్ కీలకంగా ఉంటుందని, అందులో యంగ్ చిరంజీవి పాత్రను రామ్ చరణ్ పోషిస్తాడని తెలుస్తోంది. ఈ సినిమాకు రామ్ చరణ్ పాత్రే హైలెట్‌గా ఉంటుందని, దాదాపు 25 నిమిషాల పాటు ఆ క్యారెక్టర్ ఉంటుందని టాక్. మరి ఈ వార్తలు నిజమో కాదో తెలియాలంటే ఇంకొన్ని రోజులు ఆగాలి. అన్నట్టు ఈ చిత్రం టైటిల్ ఆచార్య అని, ఈ మూవీ వచ్చే ఏడాది సమ్మర్‌లో విడుదల కాబోతోందని మరో టాక్ ప్రచారం జరుగుతోంది.