For Quick Alerts
    ALLOW NOTIFICATIONS  
    For Daily Alerts

    హాట్ టాపిక్ : రామ్ చరణ్ ‘బ్రూస్ లీ' కథ లీకైంది

    By Srikanya
    |

    హైదరాబాద్ : రామ్ చరణ్, శ్రీను వైట్ల కాంబినేషన్ లో ‘బ్రూస్ లీ' టైటిల్ తో ఓ యాక్షన్ ఎంటర్టైనర్ రూపొందుతున్న సంగతి తెలిసిందే. అక్టోబర్ 16న విడుదల కానున్న ఈ చిత్రం కథ ఏమిటి, ఎలా ఉండబోతోందనే విషయం ఇప్పుడు సినీ అభిమానుల్లో చర్చనీయాంసంగా మారింది. ఈ నేపధ్యంలో సోషల్ మీడియాలో ఈ చిత్రం కథ లీకైందంటూ ఓ కథనం కనపడటం మొదలైంది.

    ఆ కథమిటంటే...ఈ చిత్రంలో రామ్ చరణ్ ...సంట్ మాస్టర్. అయితే వాస్తవానికి అతనో సీక్రెట్ పోలీస్. తన అక్క (కృతి ఖర్బంద) అనుకోని విధంగా కొందరి గూండాల చేతిలో మరణిస్తుంది. ఆ గూండాలు ఎవరు..ఏమిటి అని ఎంక్వైరీ చేస్తే వారి వెనక ఓ పెద్ద డాన్ ఉన్నాడనే విషయం బయిటపడుతుంది. దాంతో ఆ డాన్ సామ్రాజ్యాన్ని నాశనం చేయాలని నిర్ణయించుకుంటాడు. ఆ సామ్రాజ్యాన్ని అంచెలెంచులుగా పడగొట్టడానికి ప్లాన్స్ వేస్తాడు.

    ఈ క్రమంలో అసలు ఆ డాన్ ..బ్రూస్ లీ అక్కను ఎందుకు చంపాడనే విషయం బయిటకు వస్తుంది. అంతేకాదు ఈ బ్రూస్ లీ ఫైట్ మాస్టర్ అవతారం ఎత్తడానికి గల కారణం కాడా రివీల్ అవుతుంది. ఈ రివేంజ్ కథ ..పూర్తిగా ఎంటర్టైన్మెంట్ వే లో శ్రీను వైట్ల నడిపాడని తెలుస్తోంది. ఇక ఈ చిత్రంలో చిరంజీవి, నాగార్జున నటిస్తున్నట్లు సమాచారం. అయితే ఈ కథ ఎంతవరకూ నిజమనేది తెలియదు. సినిమా రిలీజైనప్పుడు మాత్రమే తెలుస్తుంది.

    Ram Charan Bruce Lee Story Leaked

    ప్రస్తుతం సెట్స్ పైన రెగ్యులర్ షూటింగ్ లో ఉన్న ఈ చిత్రం విడుదల తేదీని అక్టోబర్ 16 గా రామ్ చరణ్ ఖరారు చేసారు. ఆయన ఫేస్ బుక్ ద్వారా ఈ విషయాన్ని తెలియచేసారు. ఇక చిత్రం ఆడియో ని అక్టోబర్ 16న విడుదల చేయటానికి నిర్ణయించినట్లు సమాచారం. ఈ ఆడియో ఫంక్షన్ ని ఘనంగా జరుపుతున్నారు. చిరంజీవి ఛీఫ్ గెస్ట్ గా రానున్నారు. అవకాసముంటే పవన్ కళ్యాణ్ కూడా వస్తారని అంటున్నారు.

    ఈ సినిమాలో రామ్ చరణ్ తన చేతిపై బ్రూస్ లీ టాటూతో కనిపించనున్నారు. ఈ చిత్రంలో రామ్ చరణ్ పాత్ర గ్యాంగ్ లీడర్ లో చిరంజీవి తరహా పాత్ర అని రచయిత గోపీ మోహన్ చెప్తున్నారు.

    "వేట ఎలా ఉంటుందో నేను చూపిస్తాను. మొదలుపెట్టాక, పూర్తయ్యేవరకూ రిక్వెస్ట్‌లు వినపడవ్! రియాక్షన్‌లు కనపడవ్! ఓన్లీ రీసౌండ్!" అంటూ చరణ్ చెప్తూ విడుదల చేసిన ఆయన తాజా చిత్రం డైలాగ్ టీజర్ కు అభిమానులకు పండగే చేసుకున్నారు.

    Ram Charan Bruce Lee Story Leaked

    విడుదలైన మూడు రోజుల్లోనే 1 మిలియన్ (10 లక్షల) వ్యూస్ సాధించి చెర్రీ సినిమా టీజర్ యూట్యూబ్‌లో ముందుకు వెల్తోంది. శరవేగంగా షూటింగ్ జరుపుకుంటున్న ఈ సినిమాలో రామ్ చరణ్ సరసన హీరోయిన్‌గా రకుల్ ప్రీత్ సింగ్ నటించారు. అక్టోబర్ 15న సినిమాను ప్రేక్షకుల ముందుకు తెచ్చేందుకు నిర్మాత డీవీవీ దానయ్య ప్లాన్ చేస్తున్నారు.

    ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

    నిర్మాతలు చెప్పేదాని ప్రకారం..."బ్రూస్ లీ ...ది ఫైటర్ చిత్రం అక్టబర్ 16న విడుదల అవుతుంది. అలాగే ఈ నెలాఖరున ఆడియోని విడుదల చేస్తారు !!". అలాగే ఈ చిత్రం రిలీజ్ డేట్ ని ఖరారు చేస్తూ నిర్మాతలు కొద్ది రోజుల క్రితంప్రకటన చేసారు

    ఇందులో చిరంజీవి ఓ అతిథి పాత్రలో తళుక్కున మెరవబోతున్నారు. సినిమా నేపథ్యంలో సాగే కథ ఇది. చరణ్‌ ఫైట్‌ మాస్టర్‌ పాత్ర పోషిస్తున్నాడు. ఇందులో చిరు ఓ 'స్టార్‌' పాత్రలో కనిపించబోతున్నారని, ఆయన నటించే చిత్రానికి చరణ్‌ ఫైట్‌ మాస్టర్‌గా పనిచేసే సన్నివేశం ఒకటుందని తెలుస్తోంది. చిరు కనిపించేది కొద్దిసేపే అయినా ఈ కథకు ఆ సన్నివేశం కీలకం కానుందట.

    ఇది వరకు 'మగధీర'లో చిరంజీవి, రామ్‌చరణ్‌లు కలసి సందడి చేశారు. ఆ తరవాత తెరపై ఇద్దరూ కలిసి కనిపించలేదు. మళ్లీ ఇన్నాళ్లకు చిరు, చరణ్‌ను ఒకే తెరపై చూసే అవకాశం అభిమానులకు దక్కుతోందని వారు ఆనందపడిపోతున్నారు.

    Ram Charan Bruce Lee Story Leaked

    రకుల్ ప్రీతి సింగ్ హీరోయిన్ గా చేస్తున్న ఈ చిత్రానికి ఎస్ ఎస్ తమన్ సంగీతం అందిస్తున్నారు. కోన వెంకట్, గోపీ మోహన్ కలిసి స్క్రిప్టు అందిస్తూండగా డివివి దానయ్య నిర్మిస్తున్నారు. డి.వి.వి.ఎంటర్‌టైన్‌మెంట్స్‌ పతాకంపై ఈ చిత్రం తెరకెక్కుతోంది.

    దర్శకుడు మాట్లాడుతూ ''యాక్షన్‌తో కూడిన కుటుంబ కథా చిత్రమిది. భారీ తారాగణంతో పాటు, అత్యున్నత సాంకేతిక విలువలతో సినిమా తెరకెక్కిస్తాం'' అన్నారు.

    నిర్మాత మాట్లాడుతూ ''విజయవంతమైన కలయికలో రూపొందుతున్న ఈ చిత్రం అందరినీ అలరించేలా ఉంటుంది. శ్రీనువైట్ల మూల కథ అందించారు. శ్రీను వైట్ల, రచయితలు కోన వెంకట్‌, గోపీమోహన్‌ది విజయవంతమైన కాంబినేషన్‌ అనీ, ఆ కాంబినేషన్‌తో ఈ సినిమా రూపొందుతుండటం ఆనందంగా ఉందని నిర్మాత దానయ్య అన్నారు.

    ఈ చిత్రానికి కథ: కోన వెంకట్‌, గోపీమోహన్‌, మాటలు: కోన వెంకట్‌, ఛాయాగ్రహణం: మనోజ్‌ పరమహంస, కూర్పు: ఎ.ఆర్‌. వర్మ, కళ: నారాయణరెడ్డి, ఫైట్స్‌: అణల్‌ అరసు, సమర్పణ: డి. పార్వతి, మూలకథ, స్క్రీప్లే, దర్శకత్వం: శ్రీను వైట్ల.

    English summary
    According to the sources, the story of Ram Charan starrer forthcoming action entertainer movie “Bruce Lee” movie has leaked which is going to viral on internet.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X