Home

Gossips

ఓ భాషలో సినిమా విడుదలై మంచి ప్రేక్షకాదరణ లభిస్తే.. ఇతర భాషల వారు కన్నెయడం సహజమే. రీమేక్‌ల పేరిట ఆ చిత్ర హక్కులను చేజిక్కించుకుని తమ నేటివిటీకి తగ్గట్టు మార్పులు చేర్పులు చేసుకుంటారు. ఆ రీమేక్‌ల చిట్టా తీస్తే.. టాలీవుడ్‌లో ఎన్నో బ్లాక్ బస్టర్, ఇండస్ట్రి హిట్స్ కొట్టిన చిత్రాలున్నాయని. అయితే ఆ జాబితాలోకి చేరేందుకు మరో చిత్రం కూడా రాబోతోంది. అదే డ్రైవింగ్ లైసెన్స్.

ఈ మధ్య మలయాళంలో ఓ సినిమా పెద్ద హిట్ అయిపోయింది. ఎక్కడ చూసిన ఆ మూవీ గురించే టాక్ వినపడుతోంది. వైవిధ్యభరితమైన చిత్రాలు తెరకెక్కించే దర్శకుడు, హీరో అయిన పృథ్వీరాజ్ నటించిన డ్రైవింగ్ లైసెన్స్ రీమేక్ హక్కులను మెగా పవర్ స్టార్ రామ్ చరణ్ తీసుకున్నాడట.

రామ్ చరణ్ ఈ రీమేక్‌ను తన కొణిదెల ప్రొడక్షన్స్ బ్యానర్ మీద నిర్మించనున్నాడని టాక్. అయితే ఇది వేరే హీరోలు ఎవరితో అయినా నిర్మిస్తాడా? లేదా మెగా హీరోల్లోనే ఎవరితోనైనా చేస్తాడా అన్నది తెలియాల్సి ఉంది. ఇప్పటికే పృథ్వీరాజ్ నుంచి లూసిఫర్ హక్కులను కూడా కొన్నాడు. చిరు 153వ చిత్రంగా లూసిఫర్ రీమేక్ తెరకెక్కబోతోందని, ఈ మూవీ స్క్రిప్ట్ పనులను సుకుమార్ చూసుకుంటున్నాడని టాక్.