రామ్ చరణ్ ఆరెంజ్ లో ఇంద్ర స్టెప్స్

చిరంజీవి..ఇంద్ర చిత్రం కోసం చేసిన వీణ స్టెప్స్ ని ఎవరూ మరిచిపోలేరు.రాఘవ లారెన్స్ సమకూర్చిన ఆ స్టెప్స్ లాంటివే మరోసారి రామ్ చరణ్ కూడా చేయబోతున్నాడని సమాచారం. అతని లేటెస్ట్ చిత్రం ఆరెంజ్ కోసం ఈ వీణ స్టెప్స్ చేస్తున్నాడని చెప్తున్నారు. ఈ సారి కూడా లారెన్స్ నేతృత్వంలోనే ఆ పాటలను చిత్రీకరించనున్నారని వినపడుతోంది. ఇక ఈ చిత్రంలో రామ్ చరణ్ సరసన జెనీలియా చేస్తోంది. ఇద్దరూ కలిసి ఈ వీణ పాటలో కనిపిస్తారు. మూడు రకాలుగా వీణ స్టెప్స్ ని కంపోజ్ చేసి రామ్ చరణ్ కి చెప్పారని, అతనికి ఇష్టమైన దానిని ఎంపిక చేసుకుంటాని చెప్తున్నారు. ఇక ఆరెంజ్ చిత్రాన్ని నాగబాబు..తమ అంజనా ప్రొడక్షన్స్ బ్యానర్ పై చేస్తున్నారు.