హోమ్

గాసిప్స్

రామ్ చరణ్, కాజల్ కాంబినేషన్లో తమిళ దర్శకుడు ధరణి రూపొందిస్తున్న చిత్రంలో రామ్ చరణ్ ఫుట్ బాల్ ప్లేయర్ గా నటిస్తున్న సంగతి తెలిసిందే. ఇక ఈ చిత్రం గురించి మరో తాజా సమాచారం ఏమిటంటే...ఈ చిత్రం సూపర్ మ్యాన్ కాన్సెప్టుతో తయారవుతోందని. ఇంతకు ముందు హిందీలో సూపర్ హిట్ నమోదు చేసిన హృతిక్ రోషన్ క్రిష్ లాగా పిల్లా పెద్దలను అలరించే సబ్జెక్టు చేస్తానని రామ్ చరణ్ చెప్పటంతో ఈ ప్రాజెక్టు ఓకే అయిందిట. అలాగే ఈ చిత్రం ఓ యాక్షన్ పేకెడ్ ధ్రల్లర్ అని చెప్తున్నారు. చాలా ట్విస్ట్ లు టర్న్ లతో ఆద్యతం ఓ ఎడ్వెంచర్ లాగ కొనసాగుతుందని చెప్తున్నారు. గతంలో విజయ్ చిత్రంతో పరిచయమైన భరతన్ ఈ చిత్రంకి కథ అందించి తమిళంలో డైలాగులు రాసాడుట. ఇక సామాన్యుడు ...అసామాన్యుడుగా ఎదిగి మెరుపులా ప్రత్యక్షమవుతూ సాహసాలు చేస్తాడని, అలాగే హీరో సూపర్ మ్యాన్ గా మారటానికి మెరుపు ఓ కారణమవుతుందని అంటున్నారు. అందుకే మెరుపు అనే టైటిల్ పెట్టారని జస్టిఫై చేస్తున్నారు. ఇక ధరణి ఇంతకు ముందు తెలుగులో పవన్ కళ్యాణ్ తో బంగారం చిత్రం చేసారు. అలాగే తమిళంలో రీసెంట్ గా విజయ్,త్రిషలతో కురువై అనే డిజాస్టర్ చిత్రం తీసాడు.