Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
లారెన్స్ దర్శకత్వంలో రామ్ చరణ్?
హైదరాబాద్: ప్రభాస్తో 'రెబల్' చిత్రాన్ని తెరకెక్కించిన దర్శకుడు రాఘవ లారెన్స్ త్వరలో మెగా పవర్ స్టార్ రామ్ చరణ్తో సినిమా చేయాలనే ఆలోచనలో ఉన్నాడా? అంటే అవుననే సమాధానం వినిపిస్తోంది సినీ వర్గాల నుంచి. ప్రస్తుతం లారెన్స్ రామ్ చరణ్ కోసం స్క్రిప్టు రెడీ చేస్తున్నారని ఫిల్మ్ నగర్ టాక్.
మెగా కుటుంబానికి మొదటి నుంచి లారెన్స్ సన్నిహితంగా ఉంటూ వస్తున్నాడు. ఆ సన్నిహిత్యంతోనే ఆమధ్య తన స్టైల్ చిత్రంలో చిరంజీవితో గెస్ట్ రోల్ చేయించాడు. త్వరలోనే రామ్ చరణ్ను తన స్ర్కిప్టు వివరించనున్నాడని తెలుస్తోంది. రామ్ చరణ్ సూచనల మేరకు అవసరం అయితే కథలో మార్పులు చేసి అతనితో సినిమా చేయాలనే దృఢ నిశ్చయంతో లారెన్స్ ఉన్నాడని ఆయన సన్నిహితులు అంటున్నారు.
ప్రభాస్తో రెబల్ చిత్రాన్ని రూపొందించిన లారెన్స్ విమర్శలు మూట గట్టుకున్న విషయం తెలిసిందే. వరుస హిట్లతో విజయవంతంగా సాగుతున్న ప్రభాస్కు లారెన్స్ 'రెబల్' చిత్రంతో ప్లాప్ ఇచ్చాడనే టాక్ కూడా వినిపిస్తోంది. గతంలో లారెన్స్ నాగార్జునతో చేసిన సినిమాలు కూడా బాక్సాఫీసు వద్ద బోల్తా పడ్డాయి. స్టార్ హీరోలతో సినిమాలు చేసేప్పుడు లారెన్స్ కొన్ని సీన్లను అతిగా చూపెట్టి ప్రేక్షకుల సహనానికి పరీక్ష పెడతాడనే వాదన కూడా ఉంది.
ఈ నేపథ్యంలో రామ్ చరణ్ లారెన్స్ దర్శకత్వంలో చేయడానికి ఒప్పుకుంటాడా? లేదా? అనేది ప్రశ్నార్థకంగా మారింది. ఈ విషయమై త్వరలోనే క్లారిటీ వచ్చే అవకాశం ఉంది. ప్రస్తుతం రామ్ చరణ్ వంశీ పైడిపల్లి దర్శకత్వంలో 'ఎవడు' చిత్రంతో పాటు, వివి వినాయక్ దర్శకత్వంలో 'నాయక్', హిందీలో 'జంజీర్' చిత్రంలో నటిస్తున్నాడు.