విలన్‌గా మారిన రామ్ చరణ్: ఒకే సినిమాలో అన్ని పాత్రలా.. లీకైన బిగ్ సీక్రెట్

భారీ విజయం.. పాన్ ఇండియా స్టార్

మెగా పవర్ స్టార్ రామ్ చరణ్ ఇటీవలే RRR (రౌద్రం రుధిరం రణం) మూవీతో ప్రేక్షకుల ముందుకు వచ్చాడు. దర్శకధీరుడు రాజమౌళి రూపొందించిన ఈ మూవీతో సంచలన విజయాన్ని ఖాతాలో వేసుకున్నాడు. అంతేకాదు, ఈ చిత్రంలో అద్భుతమైన నటనతో తనలోని మరో కోణాన్ని తట్టిలేపాడు. ఇక, ఈ సినిమాతో రామ్ చరణ్ రేంజ్ పాన్ ఇండియా లెవెల్‌కు చేరిపోయింది.

‘ఆచార్య'తో చరణ్‌కు ఎదురుదెబ్బ

రామ్ చరణ్ కొద్ది రోజుల క్రితమే మరో సినిమాతో వచ్చాడు. అదే మెగాస్టార్ చిరంజీవి ప్రధాన పాత్రలో నటించిన 'ఆచార్య'. కొరటాల దర్శకత్వంలో వచ్చిన ఈ సినిమా మెగా మల్టీస్టారర్‌గా వచ్చింది. అయితే, దీనికి ప్రేక్షకుల నుంచి అంతగా స్పందన లభించలేదు. ఫలితంగా ఇది కలెక్షన్లను రాబట్టడంలో పూర్తిగా విఫలమైంది. దీంతో ఈ చిత్రానికి రూ. 80 కోట్ల నష్టాలు వచ్చాయి.

దిగ్గజ దర్శకుడితో మెగా హీరో మూవీ

ఆచార్య, RRR విడుదల కాకముందే రామ్ చరణ్ దిగ్గజ దర్శకుడు శంకర్‌తో సినిమా చేస్తున్నాడు. భారీగా రాబోయే ఈ మూవీని శ్రీ వెంకటేశ్వర క్రియేషన్స్ బ్యానర్‌పై దిల్ రాజు ప్రతిష్టాత్మకంగా నిర్మిస్తున్నాడు. ఇందులో కియారా అద్వానీ హీరోయిన్‌గా చేస్తోంది. శ్రీకాంత్, అంజలి కీలక పాత్రలు పోషిస్తున్నారు. ఈ సినిమాకు ఎస్ థమన్ సంగీతాన్ని అందిస్తోన్న విషయం తెలిసిందే.

స్పీడుగా షూటింగ్... చాలా పూర్తైంది

రామ్ చరణ్ - ఎస్ శంకర్ కాంబినేషన్‌లో రూపొందుతోన్న ఈ సినిమాకు సంబంధించిన రెగ్యూలర్ షూటింగ్ గత డిసెంబర్‌లోనే మొదలైంది. మొదటి షెడ్యూల్‌లో భారీ యాక్షన్ సీక్వెన్స్‌ను షూట్ చేసుకున్నారు. దాని తర్వాత రాజమహేంద్రవరంలో రెండో షెడ్యూల్‌ను జరుపుకుంది. ఆ వెంటనే వైజాగ్‌లోనూ ఓ షెడ్యూల్ పూర్తి చేశారు. ఇలా ఇప్పటికే చాలా షూట్ కంప్లీట్ అయింది.

భారీ బడ్జెట్... క్లైమాక్స్‌కే అన్ని కోట్లు

క్రేజీ కాంబినేషన్‌లో ఎంతో ప్రతిష్టాత్మకంగా రూపొందుతోన్న ఈ సినిమాను భారీ బడ్జెట్‌తో తీస్తున్నారు. ఈ మూవీ క్లైమాక్స్ పార్ట్‌ను హై లెవెల్‌లో ప్లాన్ చేస్తున్నారట. ఇక, ఈ ఎపిసోడ్‌లో బ్లాస్టింగ్ సీన్స్ ఎక్కువగా ఉంటాయట. అందుకే దీనికి ఎక్కువ బడ్జెట్‌ను కేటాయించారని తెలిసింది. ఈ ఒక్క పార్ట్ కోసమే దాదాపు రూ. 20 కోట్లు కేటాయించారట. ఇది త్వరలోనే మొదలు కాబోతుంది.

ఒకే మూవీలో చరణ్ అన్ని పాత్రలా

శంకర్ గత చిత్రాల మాదిరిగానే పొలిటికల్ బ్యాగ్‌డ్రాప్‌తో సాగే ఈ సినిమాకు 'సిటిజన్' అనే టైటిల్ పరిశీలనలో ఉంది. ఇక, ఇందులో రామ్ చరణ్ డుయల్ రోల్ చేస్తున్నాడని వార్తలు వస్తున్నాయి. అయితే, తాజా సమాచారం ప్రకారం.. ఈ చిత్రం చరణ్ ఏకంగా మూడు విభిన్నమైన పాత్రల్లో కనిపించబోతున్నాడట. అందులో ఫ్లాష్‌బ్యాక్‌లో ఒకటి.. మిగితావి ఇప్పటివి అని టాక్.

శంకర్ సినిమాలో విలన్‌గా మెగా హీరో

శంకర్ దర్శకత్వంలో రామ్ చరణ్ చేస్తున్న సినిమాకు సంబంధించి తాజాగా ఓ షాకింగ్ న్యూస్ లీకైంది. ఇందులో అతడు మూడు పాత్రలు చేస్తున్నట్లు ముందే చెప్పుకున్నాం. అందులో ఒకటి విలన్ రోల్ కూడా ఉందని తాజాగా తెలిసింది. ఎవరూ ఊహించని విధంగా ఈ పాత్రను డిజైన్ చేశారట. అంతేకాదు, దీనికోసం చరణ్ డిఫరెంట్ గెటప్‌తో కనిపించబోతున్నాడని అంటున్నారు.