Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బయటపడ్డ RRR సీక్రెట్.. రాజమౌళి ఆలోచనకు ఎన్టీఆర్, రామ్ చరణ్ సై అనడంతో!
1920 నాటి పరిస్థితుల నేపథ్యంలో భారీ బడ్జెట్తో RRR మూవీ రూపొందుతోంది. రాజమౌళి దర్శకత్వంలో రూపుదిద్దుకుంటున్న ఈ సినిమాలో ఎన్టీఆర్, రామ్ చరణ్ హీరోలుగా నటిస్తున్నారు. ఆలియా భట్, సముద్రఖని, అజయ్ దేవగణ్ కీలక పాత్రలు పోషిస్తున్నారు. డీవీవీ దానయ్య సమర్పణలో హై రేంజ్లో తెరకెక్కుతున్న ఈ చిత్రం వచ్చే ఏడాది జులై 30వ తేదీన విడుదల కానుంది.
ఆ రోజు నుంచీ వర్కింగ్ టైటిల్ తోనే..
ఎన్టీఆర్, రామ్ చరణ్ హీరోలుగా RRR సినిమా రూపొందిస్తున్నానని పేర్కొన్న రాజమౌళి.. ఆ సినిమా నటీనటుల వివరాలు కూడా తెలిపారు. RRR అనే వర్కింగ్ టైటిల్ మీదనే గత కొన్ని నెలలుగా ఈ సినిమా షూటింగ్ జరుగుతోంది. చిత్రానికి సంబంధించిన అప్డేట్స్ కూడా RRR పైనే ఇస్తూ వస్తోంది చిత్రయూనిట్. ఈ తరుణంలో తాజాగా టైటిల్ విషయమై ఓ ఆసక్తికర వార్త బయటకొచ్చింది.
RRR సరిపోయేలా సూపర్ టైటిల్
RRR అనే వర్కింగ్ టైటిల్కి సరిపోయే డెఫినేషన్ ఇవ్వండి అని కొద్ది రోజుల క్రితం సోషల్ మీడియా వేదికగా రాజమౌళి ఓ ప్రకటన చేసిన సంగతి తెలిసిందే. దీంతో ఈ ప్రకటనపై రియాక్ట్ అయిన చాలా మంది నెటిజన్లు `RRR`కు సరిపోయేలా చాలా రకాల టైటిల్స్ను చెప్పడం జరిగింది. ప్రస్తుతం ఆ టైటిల్స్ ఫిల్టర్ చేసే పనిలో చిత్రయూనిట్ ఉందని తెలుస్తోంది.
రాజమౌళి ఆలోచనకు ఎన్టీఆర్, రామ్ చరణ్ సై
అలా వచ్చిన టైటిల్స్లో ఒక టైటిల్ పై రాజమౌళి ఇంట్రెస్ట్ చూపుతున్నట్లు సమాచారం. `రామ రౌద్ర రుషితం` అనే టైటిల్ రాజమౌళికి బాగా నచ్చేసిందట. సో ఇదే కన్ఫర్మ్ చేసేద్దామని ఆయన ఎన్టీఆర్, రామ్ చరణ్ లతో చెప్పినట్లుగా ఫిలిం నగర్ లో టాక్ నడుస్తోంది. దీనిపై ఆ ఇద్దరు యంగ్ హీరోలు కూడా సుముఖత వ్యక్తం చేశారనేది తాజా సమాచారం.
ఇదొక్కటే కాదు..
తెలుగు పాటు ఇతర భాషల్లోనూ భారీ రేంజ్ లో విడుదల కానుంది RRR మూవీ. సో దక్షిణాదిన `రామరౌద్ర రుషితం` అనే టైటిల్, ఇతర భాషల్లో `రైజ్ రివోల్ట్ రివేంజ్` అనే టైటిల్ పెట్టి సినిమా రిలీజ్ చేయాలనే ఆలోచనకు వచ్చారట రాజమౌళి. త్వరలోనే ఈ విషయమై ఓ క్లారిటీ రానుందని విశ్వసనీయ వర్గాల సమాచారం.
ఎన్టీఆర్ ఇలా.. రామ్ చరణ్ అలా
'బాహుబలి' సినిమా తర్వాత రాజమౌళి రూపొందిస్తున్న భారీ ప్రాజెక్టు కావడంతో RRR పై ఓ రేంజ్ అంచనాలు క్రియేట్ అయ్యాయి. ఎన్టీఆర్, రామ్ చరణ్ హీరోలుగా భారీ మల్టీస్టారర్ సినిమాగా ఈ సినిమా ప్రేక్షుకుల ముందుకు రానుంది. ఇందులో ఎన్టీఆర్ కొమురం భీం పాత్రలో అలరించనుండగా, రామ్ చరణ్ అల్లూరి సీతారామారాజుగా కనిపించనున్నారు.