పవన్-వెంకటేష్ మూవీలో చెర్రీ ఐటం సాంగ్..?(ఫొటో ఫీచర్)

రామ్ చరణ్‌తో స్పెషల్ సాంగ్ ఎందుకు?

సినిమాకు హైప్ తెచ్చేందుకే ఈ చిత్రంలో స్పెషల్ సాంగ్ ప్లాన్ చేస్తున్నారు. ఈ సాంగులో రామ్ చరణ్ సరసన కాజల్ అగర్వాల్ నటించనున్నట్లు తెలుస్తోంది.

తెలుగులో ఇదే భారీ మల్టీస్టారర్ కాబోతోందా?

ఈ చిత్రం తెలుగులో భారీ మల్టీస్టారర్ కాబోతోందా? అంటే అవుననే అంటున్నారు సినీ విశ్లషకులు. వెంకటేష్, పవన్ కళ్యాణ్ నటించడంతో పాటు రామ్ చరణ్ కూడా స్పెషల్ సాంగు చేయడం, మహేష్ బాబు వాయిస్ ఓవర్ ఇవ్వడం సినిమాను ఓ రేంజికి తీసుకెలుతుందని అంటున్నారు.

తెలుగు టైటిల్

హిందీలో ‘ఓ మై గాడ్' పేరుతో తెరకెక్కిన ఈ చిత్రాన్ని తెలుగులో ‘ఓ దేవుడా' అనే టైటిల్ పెట్టే ఆలోచన చేస్తున్నారు. ఈ మేరకు ఈ టైటిల్ రిజిస్టర్ కూడా చేయించారు.

పవన్ రెమ్యూనరేషన్ ఎంత?

ఈ చిత్రానికి పవన్ డబ్బు రూపంలో ఏమీ రెమ్యునేషన్ తీసుకోవటం లేదు. మరి ఫ్రీ గా చేస్తున్నాడా అంటే కాదు.. బిజినెస్ షేర్ అడిగారుట. నైజాం,సీడెడ్,ఆంధ్రాలలో ఎక్కడో చోట రైట్స్ ని రెమ్యునేషన్ గా తీసుకుంటారని చెప్తున్నారు.

నిర్మాణ సంస్థలు

బాలీవుడ్ మూవీ ‘ఓ మై గాడ్' చిత్రానికి రీమేక్‌గా తెరకెక్కబోతున్న ఈచిత్రాన్ని సురేష్ ప్రొడక్షన్స్, నార్త్ స్టార్ ఎంటర్టెన్మెంట్స్ సంయుక్తంగా నిర్మించనున్నాయి.

పవన్-వెంకీ

పవన్ కళ్యాణ్, వెంకటేష్ మధ్య మంచి స్నేహం ఉంది. వీరిద్దరూ ఎప్పటి నుండో కలిసి పని చేయాలనుకుంటున్నారు. అయితే ఇద్దరిక నచ్చే విధంగా కథలు దొకరక పోవడంతో ఆలస్యం అవుతూ వచ్చింది. ఎట్టకేలకు వీరి కాంబినేషన్ మూవీ ఖరారు కావడంతో అభిమానులు సంతోషం వ్యక్తం చేస్తున్నారు.

డాలి దర్శకత్వంలో...?

తెలుగులో కొంచెం ఇష్టం కంచె కష్టం, తడాఖా చిత్రాలకు దర్శకత్వం వహించిన డాలీ ఈ చిత్రానికి దర్శకత్వం వహిస్తారని తెలుస్తోంది. అయితే దర్శకుడిగా అతన్నే తీసుకోవాలా? వద్దా? అనే దానిపై క్లారిటీ రాలేదు.

‘ఓ మై గాడ్' కథ ఏమిటి?

'ఓ మై గాడ్‌'కథ ఏమిటంటే... పరేష్ రావెల్ ఓ నాస్తికుడు. అతనికి యాంటిక్స్ షాప్ ఉంటుంది. ఓరోజు అతని వ్యాపారం భూకంపం దెబ్బకు నాశనమైపోతుంది. దాంతో అతను ఇన్సూరెన్స్ వారిని ఆశ్రయిస్తారు. అయితే వాళ్లు చేతులెత్తేసి... అది భగవంతుడు పని కాబట్టి తమకేం సభందం లేదని చెప్తారు. దాంతో కోపం తెచ్చుకున్న అతను భగవంతుడుపై కేసు వేస్తాడు. అప్పుడు భగవంతుడు వచ్చి ఏం చేస్తాడు అనేది మిగతా కథ.

పవన్ ఫ్రెండ్ శరత్ మరార్

నార్త్ స్టార్ ఎంటర్టెన్మెంట్స్ సంస్థ అధినేత మరెవరో కాదు...పవన్ కళ్యాణ్ స్నేహితుడు శరత్ మరార్.