మహేశ్ స్థానంలో స్టార్ హీరోను తీసుకున్న చిరంజీవి.. అతడికి జోడీని కూడా ఫిక్స్ చేశారు.!

కొంత ఉత్సాహం.. మరికొంత నిరుత్సాహం

మెగాస్టార్ చిరంజీవి ‘ఖైదీ నెంబర్ 150'తో సినిమాల్లోకి రీఎంట్రీ ఇచ్చారు. చాలా గ్యాప్ తర్వాత నటించిన ఆయనకు ఈ సినిమా రూపంలో హిట్ వచ్చింది. అంతేకాదు, తనలో ఏమాత్రం మార్పులు జరగలేదని ఈ సినిమాతో నిరూపించారు. అయితే, దీని తర్వాత వచ్చిన ‘సైరా: నరసింహారెడ్డి' మాత్రం చిరంజీవితో పాటు ఆయన అభిమానులకు నిరాశనే మిగిల్చింది.

బడా డైరెక్టర్‌తో భారీ ప్లాన్.. ఈ సారి ఇలా

‘సైరా' తర్వాత మెగాస్టార్ చిరంజీవి.. టాలీవుడ్ బడా డైరెక్టర్ కొరటాల శివతో సినిమా చేస్తున్నారు. దీనిని కూడా రామ్ చరణ్, మ్యాట్నీ మూవీస్ సంస్థ భాగస్వామ్యంతో నిర్మిస్తున్నాడు. మణిశర్మ సంగీతం అందిస్తున్న ఈ సినిమాకు ‘ఆచార్య' అనే టైటిల్ అనుకుంటున్నారు. ఈ సారి ఎలాగైనా హిట్ కొట్టాలన్న పట్టుదలతో ఉన్న యూనిట్.. ఎన్నో ప్లాన్లు వేస్తున్నట్లు తెలుస్తోంది.

అది లీక్ అవడంతో అందరికీ క్లారిటీ వచ్చింది

ఎంతో ప్రతిష్టాత్మకంగా తెరకెక్కనున్న ఈ సినిమా దేవాదాయ భూముల ఆక్రమణలపై పోరాటం చేసే మావోయిస్టు కథతో వస్తోందని ఎప్పటి నుంచో ప్రచారం జరుగుతోంది. ఈ నేపథ్యంలోనే మూవీలోని చిరంజీవి లుక్ దీనికి బలం చేకూర్చింది. కొద్ది రోజుల క్రితం లీక్ అయిన ఈ పిక్‌లో మెగాస్టార్.. మావోయిస్టుగా కనిపిస్తున్నారు. దీంతో అందరికీ క్లారిటీ వచ్చేసింది.

చిరంజీవి సినిమాలో మహేశ్ బాబు కీ రోల్

ఇక, ఈ సినిమాకు సంబంధించిన హాట్ టాపిక్ అయిన విషయాల్లో... మహేశ్ బాబు గురించి వచ్చినవే ముఖ్యమైనవి. ఈ మూవీలో చిరంజీవితో పాటు రామ్ చరణ్ నటిస్తున్నాడని ప్రచారం జరిగిన విషయం తెలిసిందే. అయితే, ఇటీవల ఆ పాత్రలో మహేశ్ చేస్తున్నాడని ఓ వార్త బయటకు వచ్చింది. అంతేకాదు, అందుకోసం అతడికి రూ. 30 కోట్లు ఇస్తున్నారని కూడా అన్నారు

అక్కడే తేడా వచ్చింది.. మహేశ్ బాబు ఔట్

మహేశ్ ఇందులో పలానా రోల్‌ చేస్తున్నాడని ప్రచారం జరుగుతున్న నేపథ్యంలోనే... అతడు ఈ మూవీలో నటించడం లేదన్న వార్త ఒకటి బయటకు వచ్చింది. దీనికి కారణం.. సూపర్ స్టార్ అడిగిన రెమ్యూనరేషనే అని గుసగుసలు వినిపించాయి. వాస్తవానికి ఈ మూవీకి మహేశ్‌ రూ. 30 కోట్లు అడగగా... చిరంజీవి అండ్ కో మాత్రం రూ. 15 కోట్లు ఇస్తామని చెప్పిందని సమాచారం.

Recommended Video

Tollywood Inside Talk | Pspk27 | RRR | NTR 30 | PSPK 27 | Chiru 152 | Prabhas 20

మహేశ్ స్థానంలో స్టార్ హీరో.. హీరోయిన్ ఆమె

ఈ సినిమాలో మరో పాత్రకు సంబంధించిన రోల్ విషయంలో చిరంజీవికి కీలక నిర్ణయం తీసుకున్నారని తాజాగా ఓ వార్త లీక్ అయింది. దీని ప్రకారం... ఈ పాత్రను మెగా పవర్ స్టార్ రామ్ చరణే చేస్తున్నాడట. దాదాపు ముప్పై నిమిషాలు ఉండే ఈ రోల్ ఎంతో ముఖ్యమైనది అని సమాచారం. అంతేకాదు, చెర్రీకి జోడీగా రష్మిక మందన్నాను తీసుకున్నారనే టాక్ వినిపిస్తోంది.