Click it and Unblock the Notifications
నిజమే అయితే రామ్ చరణ్ ..రియల్ హీరోనే
ఇదంతా గమనించిన దర్శకుడు కృష్ణ వంశీ టెన్షన్ పడిపోయి హాస్పటిల్ పాలయ్యాడట. తనను నమ్మి వచ్చిన నిర్మాత బండ్ల గణేష్ కు బడ్జెట్ పెరిగిపోవటం తట్టుకోలేకపోయాడట. దాంతో రామ్ చరణ్ తన రెమ్యునేషన్ లో కొంత భాగం త్యాగం చేయటానికి ముందుకు వచ్చాడని తెలుస్తోంది. రీ షూట్ కి అయ్యే మొత్తం తన రెమ్యునేషన్ నుంచి మినహాయించుకోమన్నాడని చెప్పుకుంటున్నారు. ఇదే గనుక నిజమైతే రామ్ చరణ్ ...రియల్ హీరో నే.
ఇక ఈ చిత్రం కాన్సెప్టు ఏంటంటే... పల్లెటూరంటే... పచ్చదనం, తెలుగుదనం. మనవైన ఆప్యాయతలు, అనురాగాలూ అక్కడే కనిపిస్తాయ్. పిన్ని, పెద్దమ్మ.. బాబాయ్, నానమ్మ, తాతయ్య - ఎన్ని పిలుపులో. ఇంకెన్ని ఆప్యాయతలో. ఈ అరమరికలు లేని ఆనందాన్ని అనుభవించాలని విదేశాలనుంచి వచ్చాడో కుర్రాడు. కానీ... ఇక్కడి అనుబంధాలూ కలుషితమైపోయాయని అర్థమయ్యింది. మరి ఇలాంటి వాతావరణాన్ని ఎలా చక్కదిద్దాడో, తాను కలలుకన్న ఉమ్మడి కుటుంబాన్ని తానే ఎలా నిర్మించుకొన్నాడో తెలియాలంటే 'గోవిందుడు అందరివాడేలే' చిత్రం చూడాల్సిందే.
రామ్చరణ్ హీరోగా నటిస్తున్న చిత్రమిది. కాజల్ హీరోయిన్ . శ్రీకాంత్, కమలిని ముఖర్జీ ప్రధాన పాత్రధారులు. కృష్ణవంశీ దర్శకత్వం వహిస్తున్నారు. బండ్ల గణేష్ నిర్మాత. నిర్మాత మాట్లాడుతూ ''ఈ షెడ్యూల్లో కుటుంబ సన్నివేశాల్ని తెరకెక్కిస్తాం. అనంతరం లండన్లో పాటల చిత్రీకరణ మొదలుపెడతాం. ప్రకాష్రాజ్, జయసుధలు కీలక పాత్రల్లో కనిపిస్తారు. యువన్ శంకర్రాజా ఇప్పటికే మూడు పాటల్ని రికార్డ్ చేశారు''అన్నారు.
శ్రీకాంత్, కమిలినీ ముఖర్జీ ముఖ్యమైన పాత్రల్లో నటిస్తున్నారు. ఇంకా ఈ చిత్రంలో తెలుగు చిత్ర పరిశ్రమకు చెందిన ప్రముఖ నటినటులు నటిస్తున్నారు. ఈ చిత్రానికి కెమెరా: సమీర్రెడ్డి, నిర్మాత: బండ్ల గణేష్, సమర్పణ: శివబాబు గండ్ల, దర్శకత్వం: కృష్ణవంశీ.
Continue with Google