పవర్‌ఫుల్ పాత్రలో పవన్ కల్యాణ్.. ఒకటి కాదు, రెండు.. సినిమాల్లోకి లాగుతున్న ఆ ఇద్దరు!

పొలిటికల్ నేపథ్యంగా కథతో

టాలీవుడ్ సినీ వర్గాల్లో జరుగుతున్న చర్చ ప్రకారం.. ప్రస్తుతం పవన్ కల్యాణ్ కోసం ఓ రాజకీయ నేపథ్యంగా సాగే సినిమా కోసం కథ సిద్ధమైందట. ఈ సినిమాలో పవర్ స్టార్ నటించనున్నట్టు వార్తలు బలంగా చెబుతున్నాయి. ప్రస్తుత రాజకీయాలు, పవన్ ఆలోచనా విధానానికి తగినట్టుగా సినిమా కథ ఉండనున్నదట.

పవర్ ఫుల్ రాజకీయ వేత్త‌గా

ప్రస్తుతం అందుబాటులో ఉన్న సమాచారం ప్రకారం పవన్ కల్యాణ్ ఓ పవర్ ఫుల్ రాజకీయ వేత్త పాత్రలో కనిపిస్తారట. ఆయన పాత్ర నిడివివ కేవలం 45 నిమిషాలు మాత్రమే ఉంటుందట. కానీ సంచలనాలకు వేదికయ్యే స్పెషల్ రోల్‌గా మలువబోతున్నరట. ఈ చిత్రంలో ఓ యువ హరీో కూడా నటిస్తున్నట్టు తెలిసింది.

గోపాల గోపాల చిత్రంలో స్పెషల్‌గా

గతంలో కూడా పవన్ కల్యాణ్ స్పెషల్ రోల్‌లో కనిపించారు కూడా. గోపాల గోపాల చిత్రంలో స్పెషల్ ఎంట్రీ ఇచ్చి సినిమాను హిట్‌గా మలిచాడు. ప్రస్తుతం అదే స్కీమ్‌లో కథను అల్లుతున్నారట. ఈ సినిమాను ఏపీ ఎన్నికల సమయంలో విడుదల చేస్తే విధంగా ప్లాన్ చేస్తున్నారట.

పవన్‌తో నేల టికెట్ నిర్మాత

పవన్‌తో నేల టికెట్టు నిర్మాత రామ్ తాళ్లూరి ఈ చిత్రాన్ని తెరకెక్కించే ప్లాన్‌లో ఉన్నారని సమాచారం. ఖమ్మం జిల్లాకు చెందిన రామ్ తాళ్లూరికి జనసేనతో కూడా మంచి సంబంధాలు ఉన్నాయి. నేల టికెట్టు సినిమా ఆడియో ఫంక్షన్‌కు పవన్ కల్యాణ్ హాజరైన సంగతి తెలిసిందే.

మా వద్ద పవన్ కల్యాణ్ డేట్స్

ఇదిలా ఉండగా, పవన్ కల్యాణ్ మా సినిమాలో నటిస్తాడని ఇటీవల మైత్రీ మూవీస్ భాగస్వామి యెర్నెని నవీన్ కూడా బల్ల గుద్ది చెప్పారు. ఇటీవల ఓ మీడియాకు ఇచ్చిన ఇంటర్వ్యూలో మాట్లాడుతూ.. పవన్ డేట్స్ మా వద్ద ఉన్నాయి. ఆయన నటిస్తాడు. కానీ ఎప్పుడు నటిస్తాడనే విషయం ఇప్పుడే చెప్పం. కానీ పవర్ స్టార్ మాత్రం మా బ్యానర్లో ఓ సినిమా చేస్తాడు అని అన్నారు. గతంలో పవన్ కల్యాణ్‌కు మైత్రీ మూవీ మేకర్స్ అడ్వాన్సుగా కొంత మొత్తం ఇచ్చారనే విషయం తెలిసిందే.