రంభ రాధ్దాంతం

By Staff

| Published: Thursday, May 8, 2008, 18:24 [IST]

'మాతో రంభ కొద్దిగా సహకరించినా పరిస్ధితి ఇంకోలా ఉండేది!' అని ఆక్రోశిస్తున్నారు దొంగసచ్చినోళ్ళు నిర్మాతలు. వాళ్ళకి అంత సీను లేదు డబ్బులు విషయంలో చాలా ట్విస్టులు ఇచ్చారు అందుకే అనుభవిస్తున్నారు అంటోది రంభ. దొంగసచ్చినోళ్లు సినిమా రిలీజయ్యాక ప్రమోషన్ కి రంభ అటెండు కాలేదు. అందుకే ఈ రాధ్దాంత మంతా. అయినా చిన్న సినిమా బ్రతకాలంటే విజయ యాత్రలు చెయ్యాల్సిందే కదా. అది కామను. రంభ రానంటుంది.కథలో ప్రథాన పాత్ర అయిన ఆమె లేకుండా మేము థియెటర్స్ కి ఎలా వెళతాం అంటూ గొణుక్కుంటున్నారు.

ఒకప్పుడు ఒక వెలుగు వెలిగి దాదాపు పెద్ద హీరోలందరి ప్రక్కన చేసిన రంభ ఇప్పుడు అవకాశాల కోసం ఎదురుచూస్తోంది. ఆ మధ్య యమదొంగ లో చేసిన ఐటం సాంగు పేలినా పెద్దగా అది అవకాశాలు మోసుకురాలేదు. దాంతో దొంగసచ్చినోళ్ళు కి కమిట్ అయ్యింది. ఆ సినిమా యావరేజ్ రేంజ్ అయినా మళ్ళీ లైమ్ లైట్ లోకి రావచ్చని ఆశపడింది. కాని ఆ చిత్రం ఊహించని రీతిలో ఫ్లాప్ కావటంలో డిప్రెషన్ లో మునిగిపోయిందిట రంభ. ఆ సినిమా నిర్మాతలు రిలీజుకు ముందు తర్వాత కూడా ఆమెను అన్ని రకాలుగా బ్లేమ్ చేస్తున్నారు. అసలే పరిస్థితి బాగోక చిన్న సినిమా అయినా ఒప్పుకున్నందుకు సీన్ రివర్స్ అయినందుకు ఆమె భాధపడుతోంది. అంతేగాక అందరికి ఈ విషయం ఒకటికి పదిసార్లు చెప్పి ఆ నిర్మాతలను ఆడిపోసుకుంటోందిట.అసలే డబ్బులు పోయాయి అని భాధలో ఉన్న వారికి గోరుచుట్టుపై రోకలిపోటులా తయారైంది రంభ.