హోమ్

గాసిప్స్

రామ్ చరణ్ తాజా చిత్రం ఎవడు రీసెంట్ గా ఓపినింగ్ జరిగిన సంగతి తెలిసిందే. అదే సమయంలో మీడియా కోసం కొన్ని పోస్టర్స్ ని విడుదల చేయటం జరిగింది. అందులో ఓ పోస్టర్ . రామ్ గోపాల్ వర్మ డైరక్ట్ చేస్తున్న డిపార్టమెంట్ చిత్రంలో మధుషాలిని తో వేసిన పోస్టర్ లా ఉండటం అంతటా చర్చనీయాంశమైంది. రెండూ ఒకేరకంగా స్టిల్స్ ఉండటం అందరినీ ఆశ్చర్యపరుస్తోంది. ఇక
శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్న ఈ చిత్రానికి వంశీ పైడిపల్లి దర్శకుడు. సమంత ఓ హీరోయిన్ కాగా, మరో హీరోయిన్ ఎంపిక జరుగుతోంది. అల్లు అర్జున్ అతిథి పాత్ర చేయబోతున్నారు. దేవిశ్రీ ప్రసాద్ సంగీతం సమకూరుస్తున్నారు. దిల్ రాజు మాట్లాడుతూ "దర్శకుడు వంశీ చెప్పిన పాయింట్ ఎగ్జయిట్ చేసింది.

ఆ కథవిని చిరంజీవి గారు, రాంచరణ్ కూడా అంతే ఎగ్జయిట్ అయ్యారు. కమర్షియల్ సినిమాల్లో కొత్త యాంగిల్ ఉన్న చిత్రం. జనవరి నుంచి రెగ్యులర్ షూటింగ్ జరుపుతాం. తెలుగుతో పాటు తమిళంలోనూ ఈ చిత్రాన్ని విడుదల చేస్తాం. ఇది అన్ని రకాల ఎమోషన్స్ ఉన్న యాక్షన్ ఎంటర్‌టైనర్'' అన్నారు. రాంచరణ్ మాట్లాడుతూ "దిల్ రాజు ఏమిటనేది ఆయన సినిమాలే మాట్లాడతాయి. ముఖ్యమైన అతిథి పాత్ర చేయడానికి బన్నీ చేయడానికి ఒప్పుకోవడం వల్లే ఈ సినిమా త్వరగా మొదలైంది. 'ప్రస్థానం' చూసి సాయికుమార్ అభిమానినైపోయా. ఆయనతో కలిసి పనిచేస్తున్నందుకు సంతోషంగా ఉంది''అన్నారు.