రామ్ చరణ్ చిత్రం హిందీ రీమేక్?

రామ్ చరణ్, భాస్కర్ కాంబినేషన్లో ప్లాన్ చేస్తున్న చిత్రం ఓ హిందీ చిత్రానికి రీమేక్ అని ఫిల్మ్ సర్కిల్స్ లో వినపడుతోంది. బచనా హే హసీనో పేరుతో వచ్చి బాలీవుడ్ లో యావరేజ్ టాక్ తెచ్చుకున్న చిత్రానికే కొద్దిగా మార్పులు చేసి ఈ చిత్రాన్ని రూపొందించనున్నారని తెలుస్తోంది. ఇందులో హీరో ప్లే బోయ్ గా కనపిస్తారు. అలాగే రామ్ చరణ్ సరసన జెనీలియా, కృతి కర్భందా హీరోయిన్స్ గా కనిపించనున్నారు.మరో ముంబై మోడల్ ని సైతం ఈ చిత్రంలో నటింపచేయటానకి ప్రయత్నాలు చేస్తున్నారు. ఆరంజ్ అని వర్కింగ్ టైటిల్ పెట్టిన ఈ చిత్రాన్ని అంజనా ప్రొడక్షన్స్ పై నాగబాబు నిర్మిస్తున్నారు. రామ్ చరణ్ స్క్రిప్టులో కొన్ని మార్పులు చెప్పటంతో భాస్కర్ ప్రస్తుతం ఆ పనిమీదే ఉన్నారు. పరుగు అనంతరం భాస్కర్ రూపొందిస్తున్న చిత్రం కావటంతో మంచి అంచనాలే ఉన్నాయి.