సైరా నరసింహారెడ్డి ఫస్ట్ లుక్.. ముహూర్తం ఫిక్స్ చేసిన రాంచరణ్!

ఫస్ట్ లుక్ ముహూర్తం అదేనా

ఆగష్టు 22 మెగాస్టార్ చిరంజీవి పుట్టినరోజు. ఈ సందర్భాన్ని పురస్కరించుకుని సైరా ఫస్ట్ లుక్ తో ఫాన్స్ ని ఖుషి చేయాలనీ రాంచరణ్ భావిస్తున్నట్లు తెలుస్తోంది. ఈ మేరకు దర్శకుడు సురేందర్ రెడ్డి కూడా అంగీకారం తెలిపాడట.

తొలి తెలుగు వీరుడి కథ

తెల్లవారికి వ్యతిరేకంగా పోరాటం చేసిన తొలి తెలుగు వీరుడు ఉయ్యాలవాడ నరసింహారెడ్డి. ఆయన వీర గాధని సైరా చిత్రంగా తెరకెక్కిస్తున్నారు. సైరా నరసింహారెడ్డి లుక్ లో మెగాస్టార్ చిరంజీవి ఎలా ఉంటాడనే ఆసక్తి అందరిలో నెలకొని ఉంది.

అబ్బురపరిచేలా

అబ్బురపరిచే పోరాట సన్నివేశాలతో ఈ చిత్రం తెరకెక్కుతున్నట్లు వార్తలు వస్తున్నాయి. గురువారం నుంచి సైరా కొత్త షెడ్యూల్ పార్రంభం కాబోతోంది. ఈ షెడ్యూల్ 40 రోజుల పాటు సాగనుంది.

భారీ తారాగణం

ఈ చిత్రంలో భారీగా స్టార్ కాస్టింగ్ ఉంది. నయనతార హీరోయిన్ గా నటిస్తోంది. తమన్నా కీలక పాత్రలో మెరవనుంది. బిగ్ బి అమితాబ్ కూడా కీలకపాత్రలో నటించిన సంగతి తెలిసిందే.