యండమూరి రచనతో వర్మ సినిమా?

By Staff

Published: Wednesday, March 11, 2026, 1:48 [IST]

రాత్రి, దెయ్యం, భూత్, వాస్తుశాస్త్ర, డర్నా జరూరీ హై, డర్మా మనా హై అంటూ వరసగా హర్రర్ సినిమాలు రామ్ గోపాల్ వర్మ చేస్తూనే ఉన్నారు. జనం చూస్తూనే ఉన్నారు. అయితే అవి ఎప్పుడూ పూర్తి స్ధాయిలో జనాన్ని భయపెట్టలేకపోయాయి. అయినా వర్మ 'ఫూంక్' అనే మరో హర్రర్ సినిమాకు శ్రీకారం చుట్టారు. వంశీ 'అనుమానస్పందం' సినిమాకి కథ అందించిన ఆకెళ్ళ వంశి ఈ చిత్రానికి కథ అందించి,తెలుగులో దర్శకత్వం వహిస్తున్నాడు. 'రక్ష' అనే పేరుతో తయారవుతున్న ఈ సినిమాలో జగపతిబాబు హీరోగా చేస్తున్నారు.

ఇక ఈ సినిమా కి ప్రముఖ నవలా రచయిత యండమూరి వీరేంద్రనాధ్ రాసిన 'తులిసీదళం' ఆధారమని వార్తలు వినపడుతున్నాయి. ఎందుకంటే 'ఫూంక్' కథ అంతా చేతబడి చుట్టూ తిర్గుతుంది. ఇదే కథని అప్పుట్లో రాజేంద్రప్రసాద్ తో 'కాష్మోరా' అని చేసారు. అయితే ఆ సినిమా పెద్దగా వర్కవుట్ కాలేదు. కానీ ఇప్పుడీ సినిమాపై మంచి అంచనాలు ట్రేడ్ లో ఏర్పడ్డాయి. ఇక కన్నడ నటుడు సుదీప్ హిందీలో జగపతిబాబు చేసిన పాత్రను పోషిస్తున్నాడు. 'కాంట్రాక్ట్' ఫెయిల్ అయిన నేపద్యంలో ఈ సినిమా హిట్ అవుతుందని వర్మ భావిస్తున్నాడు.

More from Filmibeat