రమ్యకృష్ణ రేటు ఎక్కువే....

By Staff

| Published: Monday, June 30, 2008, 15:52 [IST]

అది ఆమె సినిమా మొత్తం చేసేందుకు అడిగిన రెమ్యునేషన్ కాదు... రోజుకి షూటింగ్ కి అటెండయితే చెల్లించాల్సిన పైకంట. దాంతో ఒకప్పుడు ఒక వెలుగు వెలిగిన రమ్యకృష్ణ ఇప్పుడూ వయస్సు అయిపోయిన దశంలో అదే రేంజిలో డిమాండు చేయటం చాలా మందిని షాక్ కి గురి చేస్తోంది. అందుకనే ఆమెని చాలామంది నిర్మాతలు ఎప్రోచ్ కాలేకపోతున్నారని తెలుస్తోంది. అందులోనూ అప్పట్లో అంటే 'నా అల్లుడు' చేసినప్పుడే డబ్బై అయిదు లక్షలు రెమ్యునేషన్ తీసుకుందన్న సంగతి తెలిసిందే. ఇప్పుడామె 'సర్కార్' లోనూ, కృష్ణ భగవాన్ హీరోగా చేస్తున్న 'మిస్టర్ గిరీసం' లోనూ చేస్తోంది. వాళ్ళు ఆమెకి రోజుకింత అని ఇచ్చి కొద్ది రోజుల్లోనే ఆమెతో తీయాల్సిన సన్నివేశాలు ప్లాన్ చేసుకుంటున్నారని ఫిల్మ్ నగర్ లో చెప్పుకుంటున్నారు.

అలాగే ఇప్పుడామెను సి.సి.రెడ్డి గారి 'టీ,బిస్కట్,సమోసా' కోసం అడిగితే అక్కడా ఇదే సమస్య ఎదురైందిట. ఎందుకంటే ఆమె చుట్టూ తిరిగే ఈ కథ కోసం చాలా రోజులు డేట్స్ కేటాయించాలి. కానీ ఆమె మాత్రం ఈ మూడు లక్షలు స్కీము కి అలవాటు పడి అలాగే డిమాండు చేస్తోందిట. నలభైల్లో పడిన ఆమె అందం తరగలేదని,నటన మరింత మెరుగు పడిందని ఆమె మేనేజరు వాదిస్తున్నారుట. అయితే హీరోయిన్ గా ఆమెని చూడ్డానికి థియోటర్ కి జనం వస్తారు గాని ఫ్రౌడ అందాలు చూడటానికి ఎవరు వస్తారనేది ప్రశ్న. అలాగే ప్రస్తుతం ఆమె కోసం నెగోషియేషన్స్ జరుగుతున్నాయట. రెండు లక్షలుకి,అంతగా అయితే రెండున్నరకి ఫిక్స్ చేయాలని చూస్తున్నారట. ఇక ఇరాన్ కేఫ్ లో జరిగే ఈ కథ లో రామానాయుడు ప్రత్యేక పాత్రలో కనిపిస్తారట. నల్లపూసలు బాబ్జీ దర్శకత్వం వహిస్తున్నారు.