దగ్గుపాటి రాణా ది లీక్?

By Staff

| Published: Monday, April 20, 2009, 17:53 [IST]

రాణా హీరోగా పరిచయం అవుతున్న లీడర్ చిత్రం స్టిల్స్ లీకవటం అందరినీ ఆలోచనలో పడేస్తోంది. యువదర్శకుడు శేఖర్ కమ్ముల దర్శకత్వంలో తయారవుతున్న ఈ చిత్రం షూటింగ్ చాలా కాన్పిడెన్సియల్ గా జరుగుతోంది. ఈ చిత్రంలో రాణా పోషించే పాత్ర సహజత్వానికి దగ్గరగా ఉంటుందని, చాలా న్యాచురల్ గా రాణా పోషిస్తున్నాడని వినపడుతోంది. ఇక ఈ చిత్రం కోసం నానక్ రామ్ గూడా రామానాయుడు సినీ విలేజ్ లో అసెంబ్లీ సెట్ వేసి కొన్ని కీలకమైన సన్నివేశాలు తీస్తున్నారని విశ్వసనీయ సమాచారం. ఇక రాణా పాత్ర మణిరత్నం యవ చిత్రంలో సిద్దార్ధ, సూర్య పాత్రలను పోలి ఉంటుందని అంటున్నారు.

దీనిని బట్టి ఈ చిత్రం రాజకీయం బ్యాక్ డ్రాప్ లో జరుగుతోందని తెలుస్తోంది. ఇక యువత తలుచుకుంటే ఏదైనా సాధించగలదు అనే మెసేజ్ తో ఈ చిత్రం రూపొందుతోందని సినీ వర్గాలు చెప్తున్నాయి. ఇక ఈ చిత్రంలో హీరోయిన్ గా ఆనందతాండవం లో హీరోయిన్ గా చేస్తున్న రుక్మిణి చేస్తోంది. సంగీతాన్ని మిక్కీజే మేయర్ అందిస్తున్నాడు. హ్యాపీడేస్ లాగ ఈ చిత్రం కూడా ఓ సంచలనమవుతుందని అందరూ ఆసిస్తున్నారు. ఇక ఈ చిత్రానికి సంభందించి కొన్ని సన్నివేశాలు శేఖర్ సంతృప్తి చెందక రీషూట్ చేసారని సమాచారం.ఇక ఈ చిత్రంలో వచ్చే హాస్పటిల్ సన్నివేసాలకు సంభందించిన స్టిల్స్ బయిటకు వచ్చాయి.అలాగే సురేష్ బాబు రెండో కుమారుడు దగ్గుపాటి అభిరామ్ కూడా వచ్చే సంవత్సరం హీరో కానున్నాడు.