హోమ్

గాసిప్స్

నాగచైతన్యకి ఏమి మాయ చేసావే చిత్రంతో హిట్ ఇచ్చి నిలబెట్టిన గౌతం మీనన్ తన తదుపరి చిత్రాన్ని రాణా తో చేయనున్నారని కన్ఫర్మ్ గా తెలిసింది. ఇందునిమిత్తం చెన్నైలోని ఏవియం స్టూడియోలో ఫోటో షూట్ జరిగింది. తమిళ, తెలుగు భాషల్లో ఈ చిత్రం రూపొందనుందని, ఇది ఓ డిఫరెంట్ లవ్ స్టోరీ అని తెలుస్తోంది. అలాగే ఈ చిత్రంలో హీరోయిన్ గా సమంతానే ఎన్నుకున్నారు. ఆమె నిన్న(జూన్ 21) న ఈ ఫొటోషూట్ కి అటెండయింది. ఇంకా పేరు పెట్టని ఈ చిత్రం జూలై ఆఖరి వారం నుండి ప్రారంభం కానుంది. ప్రస్తుతం గౌతం మీనన్..సమీరా రెడ్డి ప్రధాన పాత్రలో ఓ ధ్రిల్లర్ రూపొందిస్తున్నారు. ఇక ఈ చిత్రం హడావిడిగా ప్రారంభంకావటానికి కారణం సెల్వ రాఘవన్ తో సురేష్ బాబు తలపెట్టిన చిత్రం ఆగిపోవటమేనని తెలుస్తోంది. ఇక ఈ చిత్రాన్ని సురేష్ ప్రొడక్షన్స్ బ్యానర్ పై తెలుగులో నిర్మిస్తూండగా,తమిళంలో ఓ ప్రముఖ సంస్ధ ఈ చిత్రానికి తమిళ పార్టనర్ గా వ్యవహించనుందని తాజా సమాచారం.