వజ్రాల హారం, చీర గిఫ్టుగా ఇచ్చారు: దీపిక ఆ ఇంటి కోడలు కాబోతోందా?

రణవీర్ సింగ్

బాలీవుడ్ నటుడు రణవీర్ సింగ్‌తో దీపిక పదుకోన్ కొంతకాలంగా ప్రేమలో ఉన్నట్లు బాలీవుడ్ మీడియా కోడై కూస్తోంది. ఈ విషయాన్ని వారు ఇప్పటి వరకు అఫీషియల్ గా ప్రకటించక పోయినా ఇద్దరూ కలిసి పార్టీలు, ఫంక్షన్లకు హాజరు కావడం, చెట్టాపట్టాలేసుకుని తిరుగుతూ..... తమ ప్రేమ వ్యవహారం గురించి ఎప్పటికప్పుడు హింట్ ఇస్తూనే ఉన్నారు.

వారితో కలిసి శ్రీలంకలో పుట్టినరోజు వేడుక

దీపిక పదుకోన్ జనవరి 5న పుట్టినరోజు వేడుక జరుపుకుంది. దీంతో ఆమె 32వ వసంతంలోకి అడుగు పెట్టింది. తన పుట్టినరోజు వేడుకను తన ప్రియుడు రణవీర్ సింగ్, అతడి ఫ్యామిలీతో కలిసి శ్రీలకంలో జరుపుకుందట.

ఖరీదైన వజ్రాల హారం, చీర గిఫ్టుగా

దీపిక పుట్టినరోజు సందర్భంగా రణవీర్ సింగ్ తల్లిదండ్రులు అంజు భవాని, జగ్జీత్ సింగ్ ఆమెకు ఖరీదైన వజ్రా హారం, సబ్యాసాచి సారీ గిఫ్టుగా ఇచ్చారట. దీంతో బాలీవుడ్ మీడియాలో ఆసక్తికర చర్చ సాగుతోంది.

ఆ ఇంటి కోడలు కాబోతోందా?

దీపిక పదుకోన్-రణవీర్ సింగ్ త్వరలో పెళ్లి చేసుకోబోతున్నారని, తమకు కాబోయే కోడలు కాబట్టే రణవీర్ తల్లిదండ్రులు దీపికకు ఖరీదైన వజ్రాల హారం, చీర కానుకగా ఇచ్చారని అంటున్నారు. బయటి వ్యక్తులకు ఎవరూ ఇలాంటి గిఫ్టులు ఇవ్వరని అంటున్నారు.

ఆల్రెడీ నిశ్చితార్థం జరిగిపోయిందా?

శ్రీలంకలో జరిగిన దీపిక పదుకోన్ పుట్టినరోజు వేడుకలోనే దీపిక పదుకోన్-రణవీర్ సింగ్ అనధికారిక నిశ్చితార్థం జరిగినట్లు, ఇద్దరూ రింగులు మార్చుకున్నట్లు వార్తలు వినిపిస్తున్నాయి. అయితే ఇందులో నిజం ఎంత? అనేది తేలాల్సి ఉంది.