ఆ విషయంలో రష్మిక‌పై రూమర్లు.. వెనుకడుగు వేసిన నిర్మాత

దిల్ రాజు మూవీ గురించి

ఇటీవల దిల్ రాజు రూపొందించే సినిమా కోసం రష్మిక డేట్లను అడిగితే దిమ్మతిరిగిపోయే రెమ్యునరేషన్ చెప్పగా.. అందుకు చిత్ర యూనిట్ సందిగ్ధంలో పడ్డారట. తాజాగా నాగచైతన్యతో ఓ సినిమాను దిల్ రాజు నిర్మించేందుకు సిద్ధమైన సంగతి తెలిసిందే. ఆ సినిమా కోసం డిమాండ్ చేసిన మొత్తంపై సినీ వర్గాల్లో చర్చకు దారి తీసిందనేది తాజా సమాచారం.

రెమ్యునరేషన్ విషయంలో

ఇక తన డిమాండ్‌కు దిల్ రాజు నుంచి ఎలాంటి సమాధానం రాకపోవడంతో ఆ సినిమాను నుంచి రష్మిక తప్పుకొనేందుకు నిర్ణయం తీసుకొన్నారట. అయితే ఇంతకు ఆమె ఈ సినిమాలో కొనసాగుతుందా లేక ఇంకా చర్చలు జరుపుతున్నారా అనే విషయం మరింత సందేహాలను రేకెత్తించింది. ఈ వార్తపై అధికారికంగా ఎలాంటి ధృవీకరణ లేకపోవడం గమనార్హం.

వరుస సక్సెస్‌లతో

తన ఖాతాలో వరుసగా సక్సెస్‌లు చేరడంతో రెమ్యునరేషన్ పెంచాననే విషయంపై రష్మిక క్లారిటీ ఇచ్చారు. విజయాలు ఉన్నప్పుడే పారితోషికం పెంచకపోతే ఫ్లాపుల్లో ఉన్నప్పుడు పెంచుకోవడానికి అవకాశం ఉంటుందా అనే ప్రశ్నను ఓ ప్రెస్‌మీట్‌లో వేశారు. అయితే తన డిమాండ్ మేరకే రెమ్యునరేషన్‌ను పెంచానని, అంతేకాని భారీగా ఏ మాత్రం పెంచలేదని విషయాన్ని స్పష్టం చేశారు.

చేతినిండా ప్రాజెక్టులతో

సంక్రాంతి బరిలో నిలిచిన సరిలేరు నీకెవ్వరు చిత్రంలో మహేష్ బాబు పక్కన రష్మిక మందన్న హీరోయిన్‌గా నటిస్తున్నది. ఈ చిత్రానికి అనిల్ రావిపూడి దర్శకత్వం వహిస్తున్నారు. ఇక ఈ సినిమా రష్మిక కెరీర్‌లోనే అత్యంత భారీ బడ్జెట్ చిత్రం కావడం విశేషం. అలాగే నితిన్‌తో భీష్మ, అల్లు అర్జున్, సుకుమార్ కాంబినేషన్‌లో వస్తున్న చిత్రంలో కూడా నటిస్తున్నది. భీష్మ చిత్రం క్రిస్మస్‌కు రిలీజ్ కానున్నది.