హోమ్

గాసిప్స్

ప్రస్తుతం యంగ్ హీరోయిన్ రష్మిక మందన్న జోరు చూస్తుంటే.. ఇక ఆమెను ఢీకొట్టే హీరోయిన్ ఇప్పట్లో కనిపించదేమో అంటున్నారు ప్రేక్షకులు. 'ఛలో' అంటూ టాలీవుడ్ గడప తొక్కిన ఈ కన్నడ భామ వరుస సినిమాలతో బిజీ అయింది. కెరీర్‌లో ఎక్కడా వెనుతిరిగి చూసిందేలేదు. మొదటి సినిమాను చిన్న హీరో నాగశౌర్యతో చేసిన రష్మిక.. ఆ తర్వాత మీడియం రేంజ్ హీరో విజయ్ దేవరకొండతో జోడీ కట్టి 'గీత గోవిందం' రూపంలో భారీ హిట్ తన ఖాతాలో వేసుకుంది. ఈ సినిమాలో విజయ్ దేవరకొండతో ఆమె చేసిన రొమాన్స్, అదేవిధంగా సన్నివేశాలకు తగ్గట్లుగా చూపిన అభినయం అగ్ర దర్శకులు, అగ్ర హీరోల దృష్టిలో పడింది. వెంటనే ఆమెకు అవకాశాల పంట పండింది.

ఈ నేపథ్యంలో రష్మిక మందన్న డిమాండ్ కూడా బాగా పెరిగిపోయిందని తెలుస్తోంది. జెట్ స్పీడ్ లో కెరీర్ గ్రాఫ్ దూసుకుపోతోంది కాబట్టి ఇప్పుడే నాలుగు రాళ్లు వెనకేసుకోవాలని డిసైడ్ అయిందట రష్మిక. ఈ మేరకు తన కొత్త సినిమాలకు కోటికి పైగా రెమ్మ్యూనరేషన్ డిమాండ్ చేస్తోందట రష్మిక మందన్న. అంతిస్తేనే ఓకే చెప్తానని, లేదంటే కుదరదని నిర్మొహమాటంగా చెప్పేస్తోందట ఈ కన్నడ భామ. దీంతో అనతికాలంలోనే అమ్మడి డిమాండ్ చూసి షాకవుతున్నారట దర్శకనిర్మాతలు.

ఇక రష్మిక మందన్న లేటెస్ట్ సినిమాల విషయానికొస్తే.. భరత్ కమ్మ దర్శకత్వంలో రూపొందిన 'డియర్ కామ్రేడ్' సినిమాలో మరోసారి విజయ్ దేవరకొండతో లిప్‌లాక్స్ చేసింది రష్మిక. మరికొద్ది రోజుల్లో ఈ సినిమా విడుదల కానుంది. అలాగే తమిళ స్టార్ హీరో విజయ్‌తో ఓ సినిమా, తెలుగు సూపర్ స్టార్ మహేష్ బాబుతో 'సరిలేరు నీకెవ్వరు' సినిమాకు కమిట్ అయింది రష్మిక మందన్న. ఇటీవలే పూజా కార్యక్రమాలు జరుపుకున్న 'సరిలేరు నీకెవ్వరు' మరో రెండు మూడు రోజుల్లో రెగ్యులర్ షూటింగ్ మొదలు పెట్టుకోనుంది.