మెగా కాంపౌండ్‌లో రష్మిక మందన్న.. రామ్ చరణ్‌తో రొమాన్స్.. డైరెక్టర్ స్కెచ్!!

కొరటాలతో చిరంజీవి.. ఆ కారణంగా వాయిదా

'సైరా నరసింహా రెడ్డి' సినిమా తర్వాత తన తదుపరి ప్రాజెక్టును కొరటాల శివ దర్శకత్వంలో చేస్తున్నారు మెగాస్టార్ చిరంజీవి. కొణిదెల ప్రొడక్షన్స్ బ్యానర్ పై మెగా పవర్ స్టార్ రామ్ చరణ్, నిరంజ‌న్ రెడ్డి సంయుక్తంగా ఈ సినిమా నిర్మిస్తున్నారు. ఇప్పటికే కొంతభాగం షూటింగ్ ఫినిష్ అయ్యాక కరోనా కారణంగా షూటింగ్ వాయిదా పడింది.

త్రిష అవుట్.. కాజల్ ఇన్

మెగాస్టార్ కెరీర్‌లో 152వ సినిమాగా తెరకెక్కుతున్న ఈ సినిమాలో చిరంజీవి సరసన త్రిష నటించనుందని షూటింగ్ ప్రారంభానికి ముందునుంచే విన్నాం. అయితే ఊహించనివిధంగా తాను తప్పుకున్నట్లు త్రిష ప్రకటించడంతో.. ఆమె స్థానంలో కాజల్ అగర్వాల్‌ని సెలక్ట్ చేశారు మేకర్స్.

మహేష్ బాబు కాదు.. రామ్ చరణే!

ఇకపోతే ఈ ప్రతిష్టాత్మక సినిమాలో మరో హీరోకి కూడా ఛాన్స్ ఉందని.. ఆ క్యారెక్టర్ రామ్ చరణ్ వేస్తున్నారని ముందుగా డిసైడ్ అయ్యారంతా. కానీ అనుకోకుండా పిక్చర్ లోకి మహేష్ బాబు ఎంటర్ కావడం, ఆ తర్వాత ఆయన తప్పుకోవడం లాంటి లాంటి వార్తలు షికారు చేశాయి. చివరకు ఆ క్యారెక్టర్ రామ్ చరణే చేయనున్నట్లు కన్ఫర్మ్ అయింది.

రామ్ చరణ్‌తో రొమాన్స్.. రష్మిక ఫిక్స్

ఈ సినిమాలో రామ్‌చరణ్ కీలకమైన అతిథి పాత్రలో నటించనున్నారు. ఈయనతో నటించేందుకు ఓ హీరోయిన్‌కి కూడా స్కోప్ ఉందట. ఈ నేపథ్యంలో రామ్ చరణ్‌తో రష్మిక రొమాన్స్ చేస్తే ఆ క్రేజ్ ఇంకోలా ఉంటుందని భావించిన డైరెక్టర్ కొరటాల శివ ఆమెనే ఫైనల్ చేశారనేది లేటెస్ట్ సమాచారం. ఈ రోల్ కోసం కియారా, సమంత, పూజా హెగ్డే లాంటి పేర్లు వినిపించినా చివరకు రష్మికను ఫిక్స్ చేశారట.

రెజీనాతో స్పెషల్ సాంగ్.. ఆ రేంజే వేరు!!

దేవ‌దాయ భూముల ప‌రిర‌క్ష‌ణ నేప‌థ్యంలో ఈ సినిమా రూపొందుతున్నట్లు టాక్. ఇందులో చిరంజీవి న‌క్స‌లైట్ పాత్ర‌లో నటిస్తున్నారని తెలుస్తోంది. ఇక ఇందులో స్పెషల్ ఓ రేంజ్‌లో ఉండనుందని సమాచారం. ఇప్పటికే చిరంజీవి- రెజీనా లతో ఈ స్పెషల్ సాంగ్ షూటింగ్ ఫినిష్ అయింది.

Recommended Video

Trisha Walks Out Of Chiranjeevi’s ‘Acharya’ Movie

ఉగాది కానుక.. మెగా అభిమానుల్లో ఆతృత

చిరంజీవి- కొరటాల మూవీ అనౌన్స్ అయినప్పటి నుంచే ఈ సినిమాపై మెగా అభిమానుల్లో ఆత్రుత మొదలైంది. మూవీ అప్‌డేట్స్ కోసం చాలా కుతూహలంగా ఎదురుచూస్తున్నారు మెగా ఫ్యాన్స్. ఈ చిత్రానికి 'ఆచార్య' అనే టైటిల్ పరిశీలనలో పెట్టిన దర్శకనిర్మాతలు ఉగాది కానుకగా ఈ మూవీ ఫస్ట్‌లుక్ విడుదల చేయాలని ప్లాన్ చేస్తున్నట్లు తెలిసింది.