ఎన్టీఆర్ 'రచ్చ' టైటిల్ ని ఎత్తుకెళ్ళనున్న మరో స్టార్ హీరో

ఎన్టీఆర్, సురేంద్రరెడ్డి దర్శకత్వంలో రూపొందనున్న చిత్రానికి "రచ్చ" అనే టైటిల్ అనుకున్న సంగతి తెలిసిందే. అయితే ఆ టైటిల్ తో ఇప్పుడు రవితేజ హీరోగా సినిమా ప్రారంభం కానుందని తెలుస్తోంది. 'ఏమైంది ఈ వేళ" చిత్రంతో దర్శకుడుగా పరిచయమైన సంపత్‌నంది చెప్పిన స్క్రిప్ట్ నచ్చడంతో రవితేజ అతని దర్శకత్వంలో నటించడానికి చేసేనట్టు సమాచారం. 'ఏమైంది ఈ వేళ" చిత్రాన్ని నిర్మించిన రాధామోహనే ఈ చిత్రాన్ని కూడా నిర్మించడానికి సన్నాహాలు చేస్తున్నట్టు తెలిసింది. ఈ చిత్రానికే 'రచ్చ" అనే టైటిల్‌ను పెట్టనున్నారు. త్వరలో షూటింగ్ ప్రారంభం కానుంది. ఇక రవితేజ నటించిన 'మిరపకాయ్" చిత్రం సంక్రాంతి కానుకగా విడుదల కానుంది. అలాగే రమేశ్ వర్మ దర్శకత్వంలో ప్రారంభమైన 'వీర" చిత్రం షూటింగ్ శరవేగంతో జరుగుతోంది.