RC 15: కథకు సరిపోయే విధంగా రామ్ చరణ్ కోసం టైటిల్ ఫిక్స్ చేసిన శంకర్.. ఆ రోజే ప్రకటన?

సక్సెస్ తరువాత కొంత నిరాశ

రామ్ చరణ్ తేజ్ RRR సినిమా తో పాన్ ఇండియా బాక్సాఫీస్ వద్దా భారీ విజయాన్ని సొంతం చేసుకున్న అనంతరం అదే తరహాలో తదుపరి సినిమాలతో కూడా సక్సెస్ అందుకోవాలి అని సిద్ధమవుతున్నాడు. రీసెంట్ గా వచ్చిన ఆచార్య సినిమా అభిమానులను కొంత నిరాశకు గురి చేసిన విషయం తెలిసిందే. మొదటిసారి మెగాస్టార్ చిరంజీవి సినిమాలో ఫుల్ లెన్త్ రోల్ లో కనిపించిన రామ్ చరణ్ తేజ్ అందులో చేసిన పాత్రకు మంచి గుర్తింపు అందుకున్నాడు.

ఫోకస్ మొత్తం ఆ సినిమాపైనే

ఇక ఆచార్య సినిమా అనంతరం ప్రస్తుతం రామ్ చరణ్ పూర్తిగా తన ఫోకస్ మొత్తం శంకర్ సినిమా పైన పెట్టాడు. రామ్ చరణ్ 15 ప్రాజెక్ట్ గా తెరకెక్కుతున్న ఈ సినిమాలో టాలీవుడ్ కు చెందిన ప్రముఖ నటీనటులు ముఖ్యమైన పాత్రలో కనిపించనున్నారు. శ్రీకాంత్ తో పాటు కమెడియన్ సునీల్ అలాగే మరి కొందరు ప్రముఖ నటి నటులు స్పెషల్ పాత్రలో ఆకట్టుకోబోపోతున్నారు. ఇక మెయిన్ హీరోయిన్ గా కీయరా అద్వానీ నటిస్తున్న విషయం తెలిసిందే.

కథకు తగ్గట్టుగా టైటిల్

ఇక ఈ ప్రాజెక్టుకు సంబంధించిన ఒక ఆసక్తికరమైన అంశం ప్రస్తుతం సోషల్ మీడియాలో వైరల్ గా మారుతోంది. ఈ సినిమాలో రామ్ చరణ్ తేజ్ ఒక గవర్నమెంట్ ఆఫీసర్ గా కనిపించబోతున్నట్లు ఇదివరకే టాక్ వచ్చింది. అలాగే అయితే ఐపీఎస్ అధికారి గా కనిపించబోతున్నట్లు కథనాలు వెలువడిన విషయం తెలిసిందే. అయితే దర్శకుడు కథకు తగ్గట్టుగానే ఒక టైటిల్ అనుకుంటున్నట్లు తెలుస్తోంది.

టైటిల్ ఫిక్స్?

లేటెస్ట్ గా వినిపిస్తున్న సమాచారం ప్రకారం ఈ సినిమా కోసం 'అధికారి' అనే టైటిల్ ను దిల్ రాజు రిజిస్టర్ చేయించినట్లు తెలుస్తోంది ఇదివరకే ఈ సినిమా కోసం కొన్ని టైటిల్స్ అనుకున్నట్లు ఒక టాక్ వినిపించింది. కానీ చిత్ర యూనిట్ వాటిపై ఇంతవరకు ఎలాంటి క్లారిటీ ఇవ్వలేదు. ఇక ఆగస్టు 15వ తేదీన సినిమా టైటిల్ తో పాటు ఫస్ట్ లుక్ టీజర్ ను కూడా విడుదల చేస్తారు అని తెలుస్తోంది.

రిలీజ్ ఎప్పుడంటే?

అయితే నిర్మాత దిల్ రాజు దర్శకుడు శంకర్ ఇద్దరు కూడా ఈ సినిమాను వచ్చే ఏడాది సంక్రాంతికి విడుదల చేయాలని అనుకున్నారు. కానీ ఈ సినిమా షూటింగ్ ఇంకా చాలా బ్యాలెన్స్ ఉందట. అప్పటి వరకు పూర్తి కాదట. అలాగే మరికొన్ని పనులు కూడా బ్యాలెన్స్ ఉండే అవకాశం ఉంది కాబట్టి వచ్చే ఏడాది డిసెంబర్ లోనే రామ్ చరణ్ 15వ సినిమాని ప్రేక్షకుల ముందుకు తీసుకు వచ్చే ఛాన్స్ ఉన్నట్లుగా తెలుస్తోంది. ఇక ఈ విషయాలన్నిటి పై ఒక క్లారిటీ రావాలంటే చిత్ర యూనిట్ నుంచి అఫిషియల్ గా అనౌన్స్మెంట్ రావాల్సిందే