Don't Miss!
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Finance Kotak Mahindra Bank: కొంపముంచిన కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘టెంపర్’ రీమేక్ తెలుగులో రిలీజ్ చేయడం వెనుక విశాల్ ధైర్యం ఇదేనట
జూనియర్ ఎన్టీఆర్ కెరీర్లో 'టెంపర్' మూవీ ఎంత ప్రత్యేకమో అందరికీ తెలిసిందే. వరుస ఫ్లాపులతో ఉక్కిరిబిక్కిరి అవుతున్న సమయంలో ఈ సినిమానే తారక్ను నిలబెట్టింది. అంతేకాదు, అప్పటి నుంచి అతడు వరుస విజయాలతో దూసుకుపోతున్నాడు. పూరీ జగన్నాథ్ దర్శకత్వంలో వచ్చిన ఈ సినిమాలో తారక్ సరసన కాజల్ అగర్వాల్ నటించిన విషయం తెలిసిందే. అనూప్ రూబెన్స్ సంగీతం అందించిన ఈ సినిమాను బండ్ల గణేష్ నిర్మించాడు.
తెలుగులో ఘనవిజయం సాధించిన ఈ సినిమాను ఇటీవల తమిళంలో రీమేక్ చేశారు. 'అయోగ్య' అనే పేరుతో రీమేక్ అయిన ఈ సినిమాలో విశాల్ హీరోగా నటించగా, అతడికి జోడీగా రాశీ ఖన్నా చేసింది. 'ఠాగూర్' మధు తొలిసారి తమిళంలో నిర్మించిన ఈ చిత్రాన్ని ఏఆర్ మురుగదాస్ శిష్యుడు వెంకట్ మోహన్ తెరకెక్కించాడు. భారీ అంచనాల నడుమ విడుదలైన 'అయోగ్య'.. తమిళంలో బంపర్ హిట్ సాధించింది.
దీంతో ఈ సినిమాను తెలుగులో విడుదల చేయాలని నిర్ణయించారు. ఈ మేరకు 'అయోగ్య' తెలుగు హక్కుల్ని సార్థక్ మూవీస్ అధినేత ప్రశాంత్ గౌడ్ సొంతం చేసుకున్నారు. అంతేకాదు, ఈ సినిమా తెలుగు అనువాదం కూడా దాదాపుగా పూర్తైపోయింది. మిగిలిన అన్ని కార్యక్రమాలు పూర్తి చేసుకుని ఈనెల 27న సినిమాని తెలుగు రాష్ట్రాల్లో వీలైనన్ని ఎక్కువ థియేటర్లలో విడుదల చేయడానికి చిత్ర బృందం ప్లాన్ చేస్తోంది.
ఆల్రెడీ తెలుగులో వచ్చిన సినిమాను రీమేక్ చేసి, మళ్లీ విడుదల చేయాలనుకోవడం చర్చనీయాంశంగా మారింది. ఈ విషయంలో చిత్ర బృందం అంత కాన్ఫిడెంట్గా ఉండడానికి బలమైన కారణాలు ఉన్నాయని తెలుస్తోంది. అందులో ఒకటి విశాల్ మార్కెట్ తెలుగులో బలంగా ఉండడంతో పాటు మరీ ముఖ్యంగా ఈ సినిమా కథలో మార్పులు చేయడమేనట. 'టెంపర్'తో పోల్చితే 'అయోగ్య'లో చాలా మార్పులు ఉన్నాయట. అందుకే ఇక్కడ సినిమాను ఆదరిస్తారని చిత్ర యూనిట్ గట్టిగా నమ్ముతున్నట్లు తెలిసింది.