RRR యూనిట్‌కు షాక్: ముందే లీక్ అయిన టైటిల్.. తెలుగులో అలా అర్థం వచ్చేలా ప్లాన్.!

RRR వాళ్లిద్దరి కథ.. వీళ్లందరూ కలిశారు

ఎంతో ప్రతిష్టాత్మకంగా తెరకెక్కుతున్న ఈ సినిమాలో రామ్ చరణ్.. అల్లూరి సీతారామరాజుగా, ఎన్టీఆర్.. కొమరం భీంగా కనిపించనున్నారు. ఆ ఇద్దరు రియల్ హీరోల కథతోనే ఈ మూవీ రూపొందుతోంది. డీవీవీ దానయ్య నిర్మిస్తున్న ఈ సినిమాలో ఆలియా భట్, ఒలీవియా మోరిస్, అజయ్ దేవగణ్, సముద్రఖని సహా ఎంతో మంది కీలక పాత్రలు చేస్తున్నారు.

ఊహించని కష్టాలు.. అందుకే ఈ ఫలితం

RRR రెగ్యూలర్ షూటింగ్ ప్రారంభమై దాదాపు ఏడాదిన్నర అవుతోంది. అయినప్పటికీ ఈ మూవీ షూటింగ్ డెబ్బై శాతం మాత్రమే పూర్తయింది. దీనికి కారణం.. ఇందులో నటించే హీరోలు గాయపడడం.. ఆర్టిస్టుల డేట్స్ అడ్జస్ట్ కాకపోవడం వంటివి ఉన్నాయి. వీటికి తోడు ప్రస్తుతం ప్రపంచాన్ని వణికిస్తున్న కరోనా ప్రభావం కూడా చాలా వరకు ఉంది.

మాట తప్పిన జక్కన్న.. వాళ్లంతా ఆగ్రహం

మెగా, నందమూరి అభిమానులతో పాటు సామాన్య ప్రేక్షకులు ఎప్పుడెప్పుడా అని ఎదురు చూస్తున్న చిత్రం RRR. ఈ సినిమాను జూలై 30, 2020న విడుదల చేస్తామని గతంలో ప్రకటించారు. అయితే, దానికి ఇప్పుడు జనవరి 8, 2021కి మార్చారు. దీనికితోడు ఇప్పటి వరకు చిత్ర యూనిట్ నుంచి ఒక్కటంటే ఒక్క సర్‌ప్రైజ్ కూడా రాకపోవడంతో వాళ్లంతా జక్కన్నపై ఫైర్ అవుతున్నారు.

ఉగాదికి సర్‌ప్రైజ్ ప్లాన్ చేసిన RRR యూనిట్‌

ప్రస్తుతం షూటింగ్ ఆగిపోవడంతో ఈ సినిమా రిలీజ్ వచ్చే ఏడాది అయినా అవుతుందా అన్న అనుమానాలు వ్యక్తం అవుతున్నాయి. ఈ నేపథ్యంలో ఉగాది పండుగను పురస్కరించుకుని చిత్ర యూనిట్ సర్‌ప్రైజ్ ప్లాన్ చేసింది. ఇందులో భాగంగానే RRRకు క్యాప్షన్‌గా పెట్టే టైటిల్‌ను మధ్యాహ్నం 12 గంటలకు రివీల్ చేయనున్నారు. మొత్తం ఐదు భాషల్లో ఐదుగురు విడుదల చేస్తారు.

Recommended Video

RRR Motion Poster : Megastar Chiranjeevi, RGV Reacts On RRR Title & RRR Motion Poster

యూనిట్‌కు షాక్: ముందే లీక్ అయిన టైటిల్

ఉగాది పండుగకు అదిరిపోయే అప్‌డేట్ వచ్చిందని అందరూ ఆనందపడుతున్న సమయంలో ఓ ఊహించని పరిణామం జరిగింది. బుధవారం రివీల్ కానున్న టైటిల్ ముందే లీక్ అయింది. దీని ప్రకారం.. RRRకు ‘రైజ్ రివోల్ట్ రివేంజ్' అనేది క్యాప్షన్‌గా పెట్టబోతున్నారు. సినిమా రూపొందుతున్న తెలుగు, తమిళం, కన్నడం, హిందీ, మలయాళంలో ఇదే టైటిల్ ఉండబోతుందని సమాచారం.

తెలుగులో అలా అర్థం వచ్చేలా ప్లాన్.!

‘రైజ్ రివోల్ట్ రివేంజ్' దాదాపుగా ఫిక్స్ చేశారని ముందు నుంచే వార్తలు వస్తున్నాయి. దీనికి తెలుగులో ‘నిలబడు.. తిరుగుబాటు చెయ్.. పగ తీర్చుకో' అనే అర్థం వస్తుందని అంటున్నారు. అలాగే, మిగిలిన భాషల్లోనూ అదే మీనింగ్ వస్తుంది కాబట్టే దీన్ని ఫిక్స్ చేశారని ప్రచారం జరుగుతోంది. సర్‌ప్రైజ్ ఇద్దామనుకుంటే ముందే లీక్ అవడంతో చిత్ర యూనిట్ షాక్ అవుతోందని టాక్.