ఈ డైరక్టర్ ని మించిన వారు లేరన్నది ఈ సినిమా విడుదలతో తెలిసిపోతుంది....!

'జీన్స్" సినిమాతో ఇండియన్ సినిమా స్ర్కీన్ పై కొత్త టెక్నీలజీని ఇంట్రడ్యూస్ చేసిన ఘనుడంటూ శంకర్ ని పొగడ్తలతో ముంచెత్తేస్తోంది బాలీవుడ్ అందాల భామ ఐశ్వర్య రాయ్. భారతదేశం గర్వంచదగ్గ దర్శకులు...అంటూ ఓ ఐదుగురి పేర్లను తీస్తే, అందులో శంకర్ పేరు ఖచ్చితంగా వుంటుందని ఐష్ చెప్పుకొచ్చింది ఓ ఇంటర్వ్యూలో.

'జీన్స్" సినిమాలో నటించేటప్పటికి తనకు దక్షిణాది సినీ పరిశ్రమతో పెద్దగా సంబంధాల్లేవనీ, ఇప్పడు దక్షిణాదిన తాను ఓ స్టార్ హీరోయిన్ గా గుర్తింపు తెచ్చుకున్నానంటే అది శంకర్ పుణ్యమేనని చెబుతోంది ఐష్. శంకర్ కోసమే 'రోబో" సినిమాలో నటించేందుకు ఒప్పుకున్నాననీ, భారతీయ సినిమా తెరపై 'రోబో" ఓ టెక్కికల్ వండర్ అవుతుందని ఐష్ అంటోంది. హాలీవుడ్ సినిమాలకు ధీటుగా టెక్నాలజిని అడాప్ట్ చేసుకోవడంలో శంకర్ ని మించిన వారెవరూ లేరని 'రోబో" తో ప్రూవ్ అవుతుందని ఐష్ సినిమా ప్రమోషన్ ని అదరగొట్టేస్తోంది.