RRR క్లైమాక్స్ ట్విస్ట్ లీక్: అవి లేకుండా తారక్‌, చరణ్‌ ఫైటింగ్.. ఇండియన్ సినిమాలోనే మొదటిసారి ఇలా!

రియల్ స్టార్లుగా మారిన టాలీవుడ్ హీరోలు

'బాహుబలి'తో తెలుగు సినిమా ఖ్యాతిని విశ్వవ్యాప్తం చేశాడు రాజమౌళి. ఈ సూపర్ హిట్ సిరీస్ తర్వాత RRR (రౌద్రం రణం రుధిరం) అనే మూవీ చేస్తున్నాడు. విప్లవ వీరులు అల్లూరి సీతారామరాజు, కొమరం భీం జీవిత కథల ఆధారంగా తెరకెక్కుతోంది. ఇందులో చరణ్.. అల్లూరి గానూ, తారక్.. భీంగానూ నటిస్తున్నారు. ఈ భారీ సినిమాను డీవీవీ దానయ్య నిర్మిస్తున్నారు.

జక్కన్న దృష్టంతా దాని మీదే.. అప్‌డేట్లతో

RRR మూవీ షూటింగ్ మొదలై రెండేళ్లకు పైగానే అవుతోంది. అయినప్పటికీ ఎన్నోసార్లు ఆటంకం ఏర్పడడం వల్ల చిత్రీకరణ చాలా వరకూ బ్యాలెన్స్ ఉండిపోయింది. అంతేందుకు ఎంతో ముఖ్యమైన కాంబినేషన్ సీన్స్‌తో పాటు యాక్షన్ సీక్వెన్స్‌ను షూట్ చేయలేదు. అయితే, ఈ మధ్యే క్లైమాక్స్ సీన్ షూటింగ్ మొదలైంది. వీటికి సంబంధించిన అప్‌డేట్స్ కూడా తరచూగా ఇస్తున్నారు.

ఇద్దరికీ భారీ రెస్పాన్స్... రికార్డులు బద్దలు

తెలుగులోనే కాకుండా.. RRR మూవీ దేశ వ్యాప్తంగా భారీ అంచనాలు ఏర్పరచుకుంది. అందుకే ఈ సినిమా నుంచి ఏది వచ్చినా ట్రెండ్ అవుతోంది. ఆ మధ్య వచ్చిన టైటిల్ మోషన్ పోస్టర్‌కు మంచి స్పందన వచ్చింది. ఆ తర్వాత రామ్ చరణ్ 'భీం ఫర్ రామరాజు', ఎన్టీఆర్ 'రామరాజు ఫర్ భీం' విడుదలయ్యాయి. ఈ రెండూ సినీ ఇండస్ట్రీ రికార్డులను బద్దలు కొట్టే సత్తాను నిరూపించాయి.

ఇదైనా నిజం చేయాలని.. పట్టుదలతో పని

వాస్తవానికి RRR మూవీని జూలై 30, 2020న విడుదల చేస్తామని చిత్ర యూనిట్ గతంలోనే ప్రకటించింది. కానీ, అనుకున్న తేదీకి చిత్రీకరణ పూర్తి కాకపోవడంతో జనవరి 8, 2021కి వాయిదా వేశారు. కానీ, లాక్‌డౌన్ సహా పలు కారణాల వల్ల ఇప్పుడు కూడా అదే పరిస్థితి ఎదురైంది. దీంతో ఈ భారీ సినిమాను అక్టోబర్ 13, 2021న విడుదల చేయబోతున్నట్లు ఇటీవల వెల్లడించారు.

RRR టీమ్‌ను భయపెడుతోన్న అంశమిదే

రాజమౌళి సినిమా అంటేనే ప్రతి ఒక్కరిలోనూ ఆసక్తి ఉంటోంది. కాబట్టి ఇందులోని ఏ అంశమైనా బయటకు వస్తే బాగుండు అని చూస్తుంటారు చాలా మంది. అందుకు అనుగుణంగానే RRR మూవీ ప్రారంభం అయినప్పటి నుంచే ఈ షూటింగ్‌కు సంబంధించిన ఏదో ఒకటి లీక్ అవుతూనే ఉంది. దీంతో షూటింగ్ స్పాట్‌లోకి ఫోన్లు కూడా తీసుకు రావద్దన్నా లీకులు మాత్రం ఆగడం లేదు.

RRR క్లైమాక్స్ ట్విస్ట్ లీక్.. తట్టుకుంటారా?

ప్రస్తుతం RRR మూవీ షూటింగ్ శరవేగంగా సాగుతోంది. హైదరాబాద్‌లోని అల్యూమినియం ఫ్యాక్టరీలో దాదాపు రెండు వందల మందితో క్లైమాక్స్ సీన్స్ చిత్రీకరిస్తున్నారు. హీరోలు లేకుండానే ఈ షూటింగ్ కొనసాగుతోంది. ఇలాంటి పరిస్థితుల్లో ఈ ప్రతిష్టాత్మక చిత్రం నుంచి క్లైమాక్స్ ట్విస్ట్ బయటకు వచ్చింది. సినిమాలో ఈ సీన్ చూసి ఫ్యాన్స్ తట్టుకుంటారా అన్న సందేహాలు వస్తున్నాయి.

అవి లేకుండా ఎన్టీఆర్, రామ్ చరణ్‌ ఫైటింగ్

తాజా సమాచారం ప్రకారం.. RRR క్లైమాక్స్ ఫైట్‌లో అల్లూరి సీతారామరాజుగా నటిస్తోన్న రామ్ చరణ్ తన కంటి చూపును కోల్పోతాడట. అలాగే, కొమరం భీంగా చేస్తున్న జూనియర్ ఎన్టీఆర్ ఒక కాలును కోల్పోతాడట. అంగ వైకల్యంతో ఉన్నా వీళ్లిద్దరూ ఒకరికొకరు సహాయం చేసుకుంటూ దేశం కోసం పోరాటం చేస్తారని తెలిసింది. ఇలాంటి సీన్ ఇండియన్ సినిమాలోనే ఫస్ట్ టైమ్ అని టాక్.