ఎన్టీఆర్, రామ్ చరణ్.... అప్పటి వరకు లాక్ అయిపోయారా?

అప్పటి వరకు ఇద్దరినీ లాక్ చేసిన రాజమౌళి

‘ఆర్ఆర్ఆర్' ప్రాజెక్ట్ కోసం రామ్ చరణ్, ఎన్టీఆర్ ఇద్దరినీ 2019 అక్టోబర్ వరకు లాక్ చేశారట రాజమౌళి. అప్పటి వరకు ఇతర సినిమాలకు డేట్స్ ఇవ్వొద్దని కోరినట్లు తెలుస్తోంది. దీన్ని బట్టి వచ్చే అక్టోబర్ నాటికి షూటింగ్ పూర్తి చేసి 2020లో సినిమా విడుదల చేసే అవకాశం ఉంది.

సంవత్సరం వరకు ఇద్దరి నుంచి ఏ సినిమా రాక పోవచ్చు

ఎన్టీఆర్ నటించిన ‘అరవింద సమేత' చిత్రం ఇటీవలే విడుదలై బాక్సాఫీసు వద్ద మంచి విజయం అందుకుంది. 2020 వరకు ఎన్టీఆర్ నుంచి ఏ సినిమా రాకపోవచ్చు. రామ్ చరణ్ నటించిన ‘వినయ విధేయ రామ' సంక్రాంతికి విడుదలవుతోంది. దీని తర్వాత మళ్లీ సంవత్సరం వరకు చరణ్ నుంచి ఎలాంటి సినిమా రాదని స్పష్టమవుతోంది.

రేర్ కాంబినేషన్

రామ్ చరణ్, ఎన్టీఆర్ కాంబినేషన్లో సినిమా వస్తుందని ఎవరూ ఊహించలేదు. ఎవరూ ఊహించని రేర్ కాంబినేషన్ సెట్ చేసి సంచలనం క్రియేట్ చేశారు రాజమౌళి. గతంలో రాజమౌళి చెర్రీతో ‘మగధీర' లాంటి ఇండస్ట్రీ హిట్ తీయగా... ‘ఆర్ఆర్ఆర్' వీరి కాంబినేషన్లో వస్తున్న రెండవ చిత్రం. ఎన్టీఆర్‌తో స్టూడెంట్ నెం.1, సింహాద్రి, యమదొంగ తర్వాత జక్కన్న చేస్తున్న నాలుగో ప్రాజెక్ట్ ఇది.

అందరిలోనూ ఆసక్తి

రాజమౌళి సినిమాలు ఎవరి ఊహకు అందని విధంగా ఉంటాయి. మరి అలాంటి వ్యక్త ఇద్దరు స్టార్ హీరోలతో రేర్ కాంబినేషన్ సెట్ చేయడంతో కథ ఎలా ఉండబోతోంది? అనే ఆసక్తి అందిరిలోనూ ఉంది. 1930 బ్యాక్ డ్రాప్‌తో ఈ చిత్రం ఉండబోతోందని... ఇందులో స్నేహితులుగా ఉండే వీరు, 2018లో వీరు మళ్లీ పుడతారని టాక్.