పులితో యంగ్ టైగర్ ఎన్టీఆర్ భీకర పోరు.. నందమూరి అభిమానులకు కనువిందే!

RRR సినిమాలో ఎన్టీఆర్

బాహుబలి సినిమా తర్వాత రాజమౌళి రూపొందిస్తున్న భారీ ప్రాజెక్టు RRR. ఎన్టీఆర్, రామ్ చరణ్ హీరోలుగా భారీ మల్టీస్టారర్ సినిమాగా ఈ సినిమా ప్రేక్షుకుల ముందుకు రానుంది. ఇందులో ఎన్టీఆర్ కొమురం భీం పాత్రలో అలరించనుండగా, రామ్ చరణ్ అల్లూరి సీతారామారాజుగా కనిపించనున్నారు.

నిజమైన పులితో యంగ్ టైగర్ పోరాటం

అత్యంత ప్రతిష్టాత్మకంగా భారీ రేంజ్‌లో రూపొందుతున్న ఈ సినిమాలో యంగ్ టైగర్ ఎన్టీఆర్ రోల్ చాలా స్పెషల్ గా ఉంటుందని తెలుస్తోంది. ఈ మేరకు కొమురం భీం లుక్ లోకి మేకోవర్ అయ్యారు ఎన్టీఆర్. అయితే చిత్రంలో ప్రేక్షకులకు కనువిందు చేసేలా నిజమైన పులితో యంగ్ టైగర్ పోరాట సన్నివేశాలు చిత్రీకరించనున్నారట.

బల్గేరియాలోని ఓ అడవిలో.. సూపర్ ప్లాన్

ప్రస్తుతం RRR షూటింగ్ బల్గేరియాలో జరుగుతోంది. ఒక ట్రైన్డ్‌ పులితో ఎన్టీఆర్ పోరాట సన్నివేశాలు అక్కడే చిత్రీకరించాలని ప్లాన్ చేస్తోందట చిత్ర యూనిట్. ఈ మేరకు ఏర్పాట్లు కూడా జరుగుతున్నాయని తెలుస్తోంది. ఈ సన్నివేశాలు ఎంతో సహజంగా ఉండేలా జాగ్రత్త పడుతున్నారట మేకర్స్. అంతర్జాతీయ స్థాయి ఫైట్‌ మాస్టర్స్‌తో ఈ ఫైట్‌ను డిజైన్‌ చేయించారని టాక్.

భీకర పోరు.. పులితో పోరాడటం అంటే!

యంగ్ టైగర్ ఎన్టీఆర్‌, నిజమైన పులి మద్య జరిగే ఈ భీకర పోరును నందమూరి అభిమానులు ఫుల్లుగా ఎంజాయ్‌ చేస్తారనే ప్రచారం జరుగుతోంది. పైగా జక్కన్న దర్శకత్వం కాబట్టి ఈ సన్నివేశాలు అద్బుతంగా ఉంటాయని ఇప్పటి నుంచే లెక్కలేస్తున్నారు ప్రేక్షకులు. ఏదేమైనా ఓ హీరో పులితో పోరాడటం అంటే మామూలు విషయం కాదు. చూడాలి మరి ఈ సన్నివేశాలు ఎంత రక్తి కట్టిస్తాయో!.

RRR మూవీ

1920 నాటి పరిస్థితుల నేపథ్యంలో భారీ బడ్జెట్‌తో RRR మూవీ రూపొందుతోంది. ఈ చిత్రంలో ఆలియా భట్, సముద్రఖని, అజయ్ దేవగణ్ కీలక పాత్రల్లో నటిస్తున్నారు. డీవీవీ దానయ్య సమర్పణలో హై రేంజ్‌లో తెరకెక్కుతున్న ఈ చిత్రం వచ్చే ఏడాది జులై 30వ తేదీన విడుదల కానుంది.