రాంచరణ్, ఆలియా రొమాన్స్ అక్కడే... ఎన్టీఆర్ ఎంట్రీ దిమ్మతిరిగేలా.. RRRకుమరో బ్రేక్

40 శాతం షూటింగ్ పూర్తి

RRR సినిమా దాదాపు 40 శాతం చిత్రీకరణ పూర్తియింది. ప్రధానంగా రాంచరణ్, ఎన్టీఆర్‌పై భారీగా సన్నివేశాలు చిత్రీకరించారు. ఈ సినిమా షూటింగ్ గుజరాత్, హైదరాబాద్‌లో జరుగుతున్నది. త్వరలోనే ఆహ్మాదాబాద్‌, పూణేలో జరిగే షూట్‌కు ఆలియాభట్ హాజరవుతారు అని బాలీవుడ్ పత్రిక కథనాన్ని వెల్లడించింది.

గ్రామీణ యువతిగా ఆలియా భట్

ఆహ్మదాబాద్, పూణేలో జరిగే షెడ్యూల్‌లో ముఖ్యంగా రాంచరణ్, ఆలియాభట్‌పై సీన్లను షూట్ చేయడానికి ప్లాన్చేశారు. 1900 కాలం నాటి గ్రామీణ యువతి గెటప్‌లో ఆలియాభట్ కనిపిస్తుంది అని బాలీవుడ్ పత్రిక పేర్కొన్నది. ఇప్పటికే ఆలియాపై కొన్ని సన్నివేశాలు చిత్రీకరించాల్సింది. అయితే చెప్పపెట్టకుండా ప్రియుడు రణ్‌బీర్ కపూర్‌తో విదేశాలకు వెళ్లి రాజమౌళికి షాకిచ్చారనే వార్త మనకు తెలిసిందే.

విదేశాలకు ఎస్ఎస్ రాజమౌళి

ఆహ్మాదాబాద్, పూణెలో 15 రోజులపాటు జరిగే షెడ్యూల్ అనంతరం RRR సినిమా షూట్‌కు కొంత విరామం ప్రకటించనున్నారట. రాజమౌళి విదేశాలకు వెళ్లనున్నడంతో RRR షూటింగ్‌కు బ్రేక్ పడే అవకాశం ఉంది. రాంచరణ్, జూనియర్ ఎన్టీఆర్‌కు బ్రేక్ ఇచ్చి వారి వారి ఫ్యామిలీలతో గడిపేందుకు వెసలుబాటు కలిగించినట్టు సమాచారం.

రాంచరణ్, జూనియర్ ఎన్టీఆర్ ఎంట్రీలకు భారీగా

ఇక రాంచరణ్‌కు సంబంధించిన ఇంట్రడక్షన్ సీన్లను భారీగా చిత్రకరించినట్టు తెలుస్తున్నది. త్వరలోనే జూనియర్ ఎన్టీఆర్‌ ఎంట్రీకి సంబంధించిన సీన్లను చిత్రీకరించడానికి చిత్ర యూనిట్ ప్లాన్ చేసింది. రాంచరణ్‌కు ఎంట్రీ సీన్‌కు రూ.10 కోట్లు ఖర్చు చేయగా, జూనియర్ ఎంట్రీ సీన్‌కు 15 కోట్లు ఖర్చు చేయనున్నట్టు సమాచారం. ఈ చిత్రంలో రాంచరణ్‌కు తండ్రిగా అజయ్ దేవగణ్ నటిస్తున్నట్టు సమాచారం.