‘సాహో’కు అక్కడ పర్మిషన్ రిజెక్ట్?.. అందుకే రూ. 20 కోట్లతో సెట్?

అక్కడ పర్మిషన్ రిజక్ట్, అందుకే...

హీరో ప్రభాస్, విలన్ నీల్ నితిన్ ముఖేష్‌లపై ముంబైలోని... బాంద్రా-వర్లీ సీ ‌లింక్ బ్రిడ్జ్ మీద భారీ యాక్షన్ సీన్లు ప్లాన్ చేశారు. అయితే ఇక్కడ షూటింగుకు అనుమతి లభించక పోవడంతో రామోజీ ఫిల్మ్ సిటీలో బాంద్రా-వర్లీ సీ ‌లింక్ బ్రిడ్జ్ నమూనా సెట్ వేయాలని నిర్ణయించారట.

రూ. 20 కోట్ల ఖర్చు..

దాదాపు రూ. 20 కోట్ల ఖర్చుతో బాంద్రా-వర్లీ సీ ‌లింక్ బ్రిడ్జ్‌ను పోలి ఉండే సెట్ సాబు సిరీల్ ఆధ్వర్యంలో వేయబోతున్నారని సమాచారం. ఇంత భారీ ఖర్చుతో సెట్ వేస్తుండటం ఇండస్ట్రీలో చర్చనీయాంశం అయింది. సినిమాలో కీలకమైన సీన్ కాబట్టే ఇంత భారీ మొత్తం ఖర్చు పెడుతున్నారట.

ఎవరి ఊహకు అందడం లేదు

‘సాహో' సినిమా స్థాయి ఎలా ఉంటుందనేది ఎవరి ఊహకు అందడం లేదు. 300 కోట్ల బడ్జెట్, అందులోనూ రూ. 100 కోట్లకు పైగా కేవలం యాక్షన్ సీన్లకే ఖర్చు పెడుతుండటంతో హాలివుడ్ రేంజి సినిమా చూపిస్తారని అభిమానులు నమ్మకంగా ఉన్నారు.

సాహో

‘సాహో' షూటింగ్ కూడా అనుకున్న సమయం కంటే ఎక్కువే తీసుకుంటోంది. దీంతో రిలీజ్ డేట్ కూడా ఆలస్యం అవుతూ వస్తోంది. ఈ చిత్రం రిలీజ్ డేట్ ఎట్టకేలకు ఫైనల్ చేశారు. ఆగస్టు 15న ప్రేక్షకుల ముందుకు రాబోతోంది. ప్రభాస్ సరసన శ్రద్దా కపూర్ హీరోయిన్‌గా నటిస్తోంది.