నాగచైతన్యపై పాతిక కోట్లా?

By Staff

Published: Wednesday, December 10, 2008, 16:58 [IST]

నాగార్జున కుమారుడు నాగ చైతన్య ని పరిచయం చేస్తూ దిల్ రాజు నిర్మిస్తున్న చిత్రం కోసం పాతిక కోట్ల దాకా ఖర్ఛుపెట్టనున్నట్లు ఫిల్మ్ సర్కిల్స్ సమాచారం. వారు చెప్పుకునే దాని ప్రకారం సినిమాలో కాస్ట్లీ సెట్స్ వేయనున్నట్లు, అలాగే పాటలు కూడా భారీగా తీయనున్నట్లు తెలుస్తోంది. ప్రస్తుతం ఆగ్రాలో షూటింగ్ జరుపుకుంటున్న ఈ చిత్రంలో కొత్త బంగారు లోకం ఫేమ్ శ్వేతా బసు హీరోయిన్ గా చేస్తోందని అంటున్నారు.

ఇక ఈ చిత్రంలో జె.డి చక్రవర్తి విలన్ గా చేస్తున్నాడని,వాళ్ళిద్దరు మధ్యా వచ్చే సన్నివేశాలు చాలా టెన్స్ గా ఉంటాయని తెలుస్తోంది. అలాగే నాగార్జున ఎంత ఖర్ఛు అయినా ఫరవాలేదని..తాను భరిస్తానని తన కొడుకుని గ్రాండ్ గా పరిచయం చేయమని అన్నారని అందుకే ఎన్నడూ లేని విధంగా దిల్ రాజు డబ్బుని మంచి నీటి ప్రాయంగా ఖర్చుపెడుతూ భారీగా షూటింగ్ చేస్తున్నాడని చెప్తున్నారు. అలాగే ఈ సినిమాలో టబు ఓ ఐటం సాంగ్ లో కనిపించనుందనే గుసగుసలు అంతటా వినపడుతున్నారు. ఇక ఈ చిత్రాన్ని వాసు వర్మ అనే నూతన దర్శకుడు డైరక్ట్ చేస్తున్నాడు. కాలేజి బ్యాక్ డ్రాప్ లో జరిగే ఈ కథలో యాక్షన్,రొమాన్స్ మెయిన్ గా ఉంటాయని తెలుస్తోంది.

More from Filmibeat