చిరుతో సమానంగా ఎన్టీఆర్?

By Staff

Published: Friday, June 5, 2009, 16:21 [IST]

చిరంజీవి తన చివర సినిమాకు ఏడుకోట్ల దాకా రెమ్యునేషన్ తీసుకున్నారు. అప్పటికీ, ఇప్పటికీ అదే తెలుగులో రికార్డు రెమ్యునేషన్. అయితే ఎన్టీఆర్ తాజాగా అదే రెమ్యునేషన్ ని డిమాండ్ చేస్తున్నారని వినికిడి. అయితే ఆర్ధికమాంధ్యం రోజుల్లో అంత పెట్టి వెనక్కి వసూలు చేయటం కష్టమని నిర్మాతలు వాపోతున్నారు.ఎన్టీఆర్ తో సినిమా చేయాలని చాలామందికి ఉన్నా వారు ఈ రేటు విని వెనక్కి వెళ్ళిపోతున్నారని వినికిడి. అందులోనూ ఎన్టీఆర్ ఈ మధ్య తెలుగుదేశం ప్రచారంలో తిరిగి ఆ పార్టీ శ్రేణులను కలవటంతో అందులో కొందరు నిర్మాతలుగా మారాలని ఆకాంక్షించారు. అయితే వారి ఆశ నెరవేరేటట్లు లేదు.

ఇక ఎన్టీఆర్ తో సినిమా తీయాలనుకుని అనుకూలించక వెనక్కి వెళ్లినవారు కంత్రి పెద్దగా ఆడలేదు, యమదొంగ కేవటం రాజమౌళి క్రేజ్ తో ఆడింది కదా అది గమనించుకోకుండా రేటు పెంచేస్తే ఎలా అని గొణుక్కుంటున్నారు. ప్రస్తుతం అదుర్స్ సినిమా చేస్తున్న ఎన్టీఆర్ ఆచితూచి అడుగు వేయాలని నిర్ణయించుకున్నారని తెలుస్తోంది. కథ, తన క్యారెక్టర్ నచ్చిన తర్వాతే మిగతావి పరిశీలించాలని అనుకుంటున్నారని సమాచారం. ఎందుకంటే మెగా ఇమేజ్ తెచ్చుకుంటే వాటంతట అవే రెమ్యునేషన్స్ పెరుగుతాయని శ్రేయాభిలాషులు సలహాలు చెప్తున్నారుట. దాంతో నల్లమలుపు బుజ్జితో ఎమ్మెల్యే (హరీష్ శంకర్) సినిమా సైతం ఇంకా కథ చర్చలు జరుపుతున్నారు. అలాగే మున్నా దర్శకుడుతో దిల్ రాజు నిర్మించనున్న బృందావనం సైతం పూర్తి స్క్రిప్ట్ కై చర్చులు చేస్తున్నారు.

More from Filmibeat