NTR30: ఎన్టీఆర్ - కొరటాల సినిమాకు పవర్‌ఫుల్ టైటిల్.. కథతో పాటు హీరో పాత్ర వివరాలు లీక్

RRR మూవీ పూర్తి చేసిన ఎన్టీఆర్

యంగ్ టైగర్ జూనియర్ ఎన్టీఆర్ ప్రస్తుతం రాజమౌళి రూపొందించిన RRR (రౌద్రం రణం రుధిరం) మూవీలో నటించాడు. ఇందులో రామ్ చరణ్‌ కూడా నటించిన విషయం తెలిసిందే. ఎంతో ప్రతిష్టాత్మకంగా రాబోతున్న ఈ మూవీని డీవీవీ దానయ్య నిర్మించారు. ఇందులో తారక్.. కొమరం భీంగా, చరణ్.. అల్లూరి పాత్రలను పోషిస్తున్నారు. దీనికి కీరవాణి సంగీతం అందించారు.

30వ సినిమాకు డైరెక్టర్ మారాడు

RRR షూటింగ్ జరుగుతుండగానే ఎన్టీఆర్ తన 30వ సినిమాను త్రివిక్రమ్‌తో చేస్తున్నట్లు ప్రకటించాడు. అయితే, ఇది పట్టాలెక్కకుండానే ఆగిపోయింది. ఆ తర్వాత ఏమాత్రం ఆలస్యం చేయకుండానే తన తదుపరి ప్రాజెక్టును కొరటాల శివతో చేయడానికి గ్రీన్ సిగ్నల్ ఇచ్చాడు. దీనికి సంబంధించిన అధికారిక ప్రకటన కూడా వచ్చింది. దీంతో ఫ్యాన్స్ ఫుల్ ఖుషీగా ఉన్నారు.

తారక్ - కొరటాల మూవీ డీటేల్స్

‘జనతా గ్యారేజ్' వంటి హిట్ తర్వాత కొరటాల శివ - ఎన్టీఆర్ కాంబినేషన్‌లో రాబోతున్న ఈ చిత్రంలో ఆలియా భట్ హీరోయిన్‌గా నటిస్తుందని ప్రచారం జరుగుతోంది. అలాగే, దీనికి యంగ్ సెన్సేషన్ అనిరుధ్ రవిచందర్ సంగీతం అందిస్తున్నాడట. పాన్ ఇండియా రేంజ్‌లో రాబోయే ఈ సినిమాను నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు నిర్మిస్తున్నాయి.

అప్పుడే అనుకుంటే ఆలస్యంగా

ఎన్టీఆర్ హీరోగా కొరటాల శివ తెరకెక్కించనున్న ఈ సినిమాపై అప్పుడే అంచనాలు నెలకొన్నాయి. అందుకు అనుగుణంగానే దీని గురించి ఎన్నో రకాల వార్తలు తెగ వైరల్ అవుతున్నాయి. ఈ నేపథ్యంలోనే ఇది ఫలానా రోజు ప్రారంభం అవుతుందని అంటూ వస్తున్నారు. కానీ, కోవిడ్ మహమ్మారితో పాటు పలు కారణాల వల్ల ఈ సినిమా మాత్రం ఇప్పటి వరకూ ప్రారంభం కాలేదు.

డేట్ ఫిక్స్ చేసుకున్న యూనిట్

యంగ్ టైగర్ ఎన్టీఆర్ - కొరటాల శివ కాంబినేషన్‌లో వస్తున్న ఈ ప్రాజెక్టు ఎప్పుడు ప్రారంభం అవుతుంది అన్న దానిపై ఎన్నో రకాల వార్తలు వస్తున్నాయి. అయితే, ఈ సినిమా పూజా కార్యక్రమాలు ఫిబ్రవరి 7వ తేదీన జరగబోతున్నాయట. హైదరాబాద్‌లో దీన్ని అంగరంగ వైభవంగా చేయబోతున్నారని తెలుస్తోంది. దీనికి బడా గెస్టులు కూడా వస్తున్నారని అంటున్నారు.

ఎన్టీఆర్ సినిమా స్టోరీ లైన్ రివీల్

క్రేజీ కాంబినేషన్‌లో ఎంతో ప్రతిష్టాత్మకంగా రూపొందనున్న ఈ సినిమా స్టోరీ లైన్ గురించి కూడా చాలా పుకార్లు షికార్లు చేస్తున్నారు. అయితే, తాజా సమాచారం ప్రకారం.. ఇది ఫారెస్ట్ బ్యాగ్‌డ్రాప్‌తో రాబోతుందట. ఒక స్టూడెంట్ లీడర్ ఫారెస్ట్ మాఫియాను ఎలా మార్చాడన్నదే ఈ మూవీ స్టోరీ లైన్ అని సమాచారం. ఇందులో తారక్ రెండు విభిన్నమైన గెటప్‌లలో కనిపించబోతున్నాడని టాక్.

Recommended Video

Jr NTR As Peddi | Exciting Updates On NTR 31 | Filmibeat Telugu

సినిమాకు పవర్‌ఫుల్ టైటిల్ ఫిక్స్

సూపర్ హిట్ కాంబినేషన్‌లో రాబోతున్న ఈ సినిమాకు పెట్టబోయే టైటిల్ గురించి కూడా ఇప్పటి వరకూ ఎన్నో రకాల వార్తలు వైరల్ అయ్యాయి. తాజాగా అందుతోన్న సమాచారం ప్రకారం.. ఈ చిత్రానికి ‘రుద్ర' అనే టైటిల్ ఫిక్స్ చేశారట. అన్ని భాషల్లోనూ ఇదే పేరు ఉంటుందని తెలుస్తోంది. ఇప్పటికే దీన్ని నిర్మాణ సంస్థ ఫిలిం ఛాంబర్‌లో రిజిస్టర్ చేయించిందని తెలిసింది.