హీరో విశాల్ వివాహం ఆగిపోయిందా? అసలు ఏం జరిగింది?

అంతా సవ్యంగా జరుగుతుంది అనుకునేలోపే షాకింగ్ రూమర్స్

అక్టోబర్ 9న విశాల్-అనీషా పెళ్లి ముహూర్తం నిర్ణయించినట్లు ఆ మధ్య వార్తలు తెరపైకి వచ్చాయి. అయితే ఇంతలోనే ఊహించని రూమర్స్ తెరపైకి వచ్చాయి. విశాల్-అనిషా పెళ్లి రద్దు చేసుకున్నట్లుగా ప్రచారం జరుగుతోంది. అంతా సవ్యంగా జరుగుతుంది అనుకునేలోపే ఇలాంటి షాకింగ్ న్యూస్ రావడం చర్చనీయాంశం అయింది.

ఈ వార్తలు రావడానికి కారణమేంటి?

విశాల్-అనీషా రెడ్డి పెళ్లి ఫిక్స్ అయిన సంగతి మొదట బయటకు వచ్చింది అనీషా ద్వారానే. ఆమె తన సోషల్ మీడియా పేజీ ద్వారా 2018లో ఈ మ్యాటర్ బ్రేక్ చేసింది. ఆ తర్వాత విశాల్ అఫీషియల్‌గా అభిమానులకు వెల్లడించారు. అనీషా రెడ్డి తరచూ తనకు కాబోయే వాడితో దిగిన ఫోటోలను సోషల్ మీడియాలో షేర్ చేయడంతో పాటు ఎంగేజ్మెంట్ ఫోటోలు కూడా అభిమానులతో పంచుకున్నారు. అయితే తాజాగా అనీషా రెడ్డి తన సోషల్ మీడియా పేజీ నుంచి ఆ ఫోటోలన్నీ తొలగించింది. దీంతో ఇద్దరి పెళ్లి రద్దయినట్లు వార్తలు ప్రచారంలోకి వచ్చాయి.

ఇద్దరి మధ్య మనస్ఫర్థలు వచ్చాయా?

విశాల్, అనీషా రెడ్డి మధ్య మనస్పర్థలు వచ్చాయనే అనుమానం వ్యక్తం చేస్తూ పలు మీడియా సంస్థలు వార్తా కథనాలు వెలువరించాయి. రియాల్టీలో పరిస్థితులు కూడా అందుకు మరింత బలాన్ని ఇచ్చే విధంగా ఉండటంతో చాలా మంది ఇది నిజమే కావొచ్చు అనే నమ్ముతున్నారు.

విశాల్ లేదా అనీషా స్పందిస్తే తప్ప...

తమ వివాహం రద్దయినట్లు వస్తున్న వార్తలో నిజం ఎంత? అనే విషయంలో సరైన స్పష్టత లేదు. దీంతో అభిమానులు అయోమయానికి గురవుతున్నారు. మరి ఈ విషయమై విశాల్ లేదా అనీషా స్పందిస్తే తప్ప దీనిపై ఓ క్లారిటీ వచ్చే అవకాశం కనిపించడం లేదు.