Don't Miss!
- News క్యూ నిల్చొని ఓటు వేసిన సూపర్ స్టార్
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సాహో డైరెక్టర్ కు హీరో దొరికేశాడు.. ప్రభాస్ సలహతోనే లక్కీ ఛాన్స్?
సాహో సినిమాతో బాక్సాఫీస్ వద్ద మంచి సక్సెస్ అందుకోవాలని అనుకున్న యువ దర్శకుడు సుజిత్ కు చేదు అనుభవం మిగిల్చిన విషయం తెలిసిందే. బాహుబలి సినిమా తర్వాత ప్రభాస్ నటించిన ఆ సినిమా భారీ స్థాయిలోనే విడుదలైనప్పటికీ కూడా బాక్సాఫీస్ వద్ద ఊహించిన విధంగా కొన్ని నష్టాలను అయితే కలుగజేసింది. నిర్మాతలు అయితే దాదాపుగా సేఫ్ అయ్యారు గానీ చాలా ఏరియాల్లో బయ్యర్లు నష్టపోవాల్సి వచ్చింది.
ఆ సినిమా ఇచ్చిన ఫలితంతో డైరెక్టర్ సుజిత్ కు మరొక అవకాశం కూడా దొరకలేదు. మధ్యలో మెగాస్టార్ చిరంజీవి లూసీఫర్ ను రీమేక్ చేసే అవకాశం ఇచ్చినప్పటికీ కూడా దురదృష్టవశాత్తు అది కూడా మిస్ అయింది. ఇక చాలా కాలంగా ఈ దర్శకుడు తన మూడవ సినిమాను తెరపైకి తీసుకురావడానికి ఎంతగానో ప్రయత్నిస్తున్నాడు.
ఆ మధ్య జి స్టూడియోస్ తో కలిసి ఒక బాలీవుడ్ హీరో తో సినిమా చేయడానికి చర్చలు కూడా జరిపారు. కానీ కరోనా కష్టకాలంలో ఆ సినిమా కూడా సెట్స్ పైకి రాలేకపోయింది. మొదట రన్ రాజా రన్ సినిమాతో సుజిత్ దర్శకుడిగా పరిచయం అయిన విషయం తెలిసిందే.
ఆ సినిమా చూసిన తర్వాతనే ప్రభాస్ అతనికి సాహో సినిమా చేసే అవకాశం ఇచ్చాడు. ఇక సాహో సినిమా అంచనాలకు తగ్గట్టుగా సక్సెస్ కాకపోవడంతో అతనికి సరైన అవకాశాలు దొరకడం లేదు. ఇక ప్రస్తుతం మళ్ళీ శర్వానంద్ తోనే మరొక సినిమా చేయాలని అనుకుంటున్నాడట. వీరి ఇద్దరి కలయికలో వచ్చిన రన్ రాజా రన్ సినిమా ఏ స్థాయిలో సక్సెస్ అయ్యిందో ప్రత్యేకంగా చెప్పనవసరం లేదు. ఇక మళ్ళీ యూవీ క్రియేషన్స్ ఆధ్వర్యంలోనే ప్రభాస్ సుజిత్ కు మరొక అవకాశం ఇవ్వాలి అని చెప్పడంతో శర్వానంద్ ను కూడా రంగంలోకి దింపినట్లు తెలుస్తోంది. సుజిత్ చెప్పిన మరొక ఆసక్తికరమైన కథకు శర్వానంద్ కూడా గ్రీన్ సిగ్నల్ ఇచ్చినట్లు సమాచారం. మరి ఈ సినిమాతో అయినా సుజిత్ ఫామ్ లోకి వచ్చే అగ్ర హీరోలతో సినిమాలు చేస్తాడో లేదో చూడాలి.