Click it and Unblock the Notifications
10,000 కోట్లతో 500 ఎకరాల్లో.. టాలీవుడ్ పై సల్మాన్ ఖాన్ కన్ను
బాలీవుడ్ సూపర్ స్టార్, కండల వీరుడు సల్మాన్ ఖాన్ (Salman Khan) క్రేజ్ గురించి ప్రత్యేకంగా చెప్పాల్సిన పనిలేదు. చిన్న పిల్లల నుంచి పెద్దల వరకు దేశవ్యాప్తంగా ఆయనకు భారీ ఫ్యాన్బేస్ ఉంది. ఆరు పదుల వయసులోనూ రీల్ లైఫ్లోనే కాదు, రియల్ లైఫ్లో కూడా ఫిట్గా, హెల్దీగా కనిపిస్తూ అభిమానులను ఆశ్చర్యపరుస్తూనే ఉన్నారు. కెరీర్లో ఎన్నో బ్లాక్బస్టర్ సినిమాలతో బాలీవుడ్ను ఏలిన సల్మాన్ ఖాన్, ఇప్పుడు టాలీవుడ్పై దృష్టి పెట్టినట్టు వార్తలు వినిపిస్తున్నాయి. ముఖ్యంగా హైదరాబాద్లో భారీ పెట్టుబడితో ఓ మెగా ప్రాజెక్ట్ను ప్లాన్ చేస్తున్నారని ప్రస్తుతం సినీ, వ్యాపార వర్గాల్లో హాట్ టాపిక్గా మారింది. ఇంతకీ ఆ సంగతేంటీ?
సోషల్ మీడియా కథనం ప్రకారం.. సల్మాన్ ఖాన్ సుమారు రూ. 10,000 కోట్ల పెట్టుబడితో 500 ఎకరాల విస్తీర్ణంలో భారీ టౌన్షిప్తో పాటు అత్యాధునిక ఫిల్మ్ స్టూడియో నిర్మించేందుకు సిద్ధమవుతున్నట్లు సమాచారం. ఈ ప్రతిపాదిత ప్రాజెక్ట్ హైదరాబాద్ పరిసర ప్రాంతాల్లో అభివృద్ధి చేయనున్నారని తెలుస్తోంది. ఇప్పటికే దేశంలో రియల్ ఎస్టేట్, ఐటీ, ఎంటర్టైన్మెంట్ రంగాల్లో హబ్గా మారిన హైదరాబాద్కు ఈ ప్రాజెక్ట్ మరో మైలురాయిగా నిలవనుందని అంచనా వేస్తున్నారు.
లగ్జరీ టౌన్షిప్తో పాటు హైటెక్ ఫిల్మ్ స్టూడియోలు
ఈ మెగా ప్రాజెక్ట్లో లగ్జరీ రెసిడెన్షియల్ హోమ్స్, ప్రపంచ స్థాయి లీజర్ ఫెసిలిటీస్, గ్రీన్ స్పేస్లు, కమర్షియల్ ఏరియాస్ మాత్రమే కాకుండా, అత్యాధునిక సాంకేతికతతో కూడిన స్టేట్-ఆఫ్-ది-ఆర్ట్ ఫిల్మ్ స్టూడియోలు కూడా ఉండనున్నాయని సమాచారం. సినిమా షూటింగ్స్, వెబ్ సిరీస్ ప్రొడక్షన్స్, టీవీ షోలు, డిజిటల్ కంటెంట్ కోసం అన్ని సౌకర్యాలు ఒకే చోట లభించేలా ఈ స్టూడియోలను డిజైన్ చేయనున్నారని చెబుతున్నారు.
ఎంటర్టైన్మెంట్ హబ్గా హైదరాబాద్
ఇప్పటికే రామోజీ ఫిల్మ్ సిటీ వంటి ప్రతిష్టాత్మక కేంద్రాలు ఉన్న హైదరాబాద్, ఈ కొత్త ప్రాజెక్ట్తో దేశంలోనే అతిపెద్ద ఎంటర్టైన్మెంట్, రియల్ ఎస్టేట్ హబ్లలో ఒకటిగా మారే అవకాశం ఉందని నిపుణులు అభిప్రాయపడుతున్నారు. బాలీవుడ్తో పాటు సౌత్ ఇండియన్ సినిమా ఇండస్ట్రీలకు కూడా ఈ ప్రాజెక్ట్ ఉపయోగపడనుందని అంచనా. ఈ ప్రాజెక్ట్ ద్వారా వేల సంఖ్యలో ప్రత్యక్ష, పరోక్ష ఉద్యోగావకాశాలు సృష్టించబడతాయని భావిస్తున్నారు. నిర్మాణ రంగం, హాస్పిటాలిటీ, ఎంటర్టైన్మెంట్, సర్వీసెస్ రంగాలకు పెద్ద ఎత్తున ఊతం లభించనుంది. అదే సమయంలో హైదరాబాద్ రియల్ ఎస్టేట్ మార్కెట్పై ఈ పెట్టుబడి గణనీయమైన ప్రభావం చూపే అవకాశముందని విశ్లేషకులు చెబుతున్నారు.
అధికారిక ప్రకటన కోసం ఎదురుచూపులు
ప్రస్తుతం ఇది ప్రతిపాదన దశ లో ఉన్నప్పటికీ, సల్మాన్ ఖాన్ టీమ్ నుంచి అధికారిక ప్రకటన వెలువడితే ఈ ప్రాజెక్ట్పై మరింత స్పష్టత వచ్చే అవకాశం ఉంది. అయితే ఇప్పటికే ఈ వార్త సోషల్ మీడియాలో వైరల్ అవుతూ, ఫ్యాన్స్తో పాటు రియల్ ఎస్టేట్, ఫిల్మ్ ఇండస్ట్రీ వర్గాల్లో భారీ ఆసక్తిని రేపుతోంది.ఈ మెగా ప్రాజెక్ట్ కార్యరూపం దాలిస్తే హైదరాబాద్ నగరానికి మాత్రమే కాదు, భారతీయ సినిమా పరిశ్రమకు కూడా ఇది ఒక గేమ్ చేంజర్ ప్రాజెక్ట్ గా నిలిచే అవకాశం ఉంది.
Continue with Google