మెగాస్టార్ సినిమాకు ‘మెంటల్’ టైటిల్?

By Bojja Kumar

| Published: Tuesday, January 8, 2013, 12:15 [IST]

హైదరాబాద్: 'మెంటల్' అనేది మెగాస్టార్ చిరంజీవి నటించబోయే సినిమాకు పెట్టబోయే టైటిల్ కానే కాదు. ఇది మెగాస్టార్ నటించిన 'స్టాలిన్' చిత్రానికి రీమేక్ గా రూపొందబోయే బాలీవుడ్ మూవీకి పెట్టబోయే టైటిల్ అని ప్రచారం సాగుతోంది. బాలీవుడ్ స్టార్ హీరో సల్మాన్ ఖాన్ త్వరలో 'స్టాలిన్'కు రీమేక్‌గా రూపొందబోయే హిందీ సినిమాలో నటించబోతున్న సంగతి తెలిసిందే. ఈ సినిమాను సల్మాన్ సోదరుడు సొహైల్ ఖాన్ ప్రొడ్యూస్ చేయబోతున్నారు. ఈ చిత్రానికి 'రాధె' అనే టైటిల్ పెట్టాలని అనుకున్నారు.

అయితే 'రాధె' టైటిల్ అంత క్యాచీగా లేదని, సల్మాన్ ఖాన్‌కు ఉన్న మాస్ ఫ్యాన్ ఫాలోయింగ్ నేపథ్యంలో క్యాచీగా ఉండే టైటిల్ పెట్టాలని నిర్మాతలు యోచిస్తున్నారట. ఇందుకోసం 'మెంటల్' అనే టైటిల్‌ను పరిశీలిస్తున్నట్లు తెలుస్తోంది. మరి ఈ రెండు టైటిళ్లలో ఏ టైటిల్ ఫైనల్ అవుతుందో చూడాలి.

టైటిల్ సంగతి పక్కన పెడితే...ఈ చిత్రం 2013వ సంవత్సరం ఈద్‌ పండుగకు ఈ చిత్రాన్ని విడుదల చేసే విధంగా సల్మాన్‌ సన్నాహాలు చేస్తున్నట్లు బాలీవుడ్‌ సమాచారం. ఈ పండుగ సందర్భంగా విడుదలైన సల్మాన్‌ ఖాన్‌ చిత్రాలు బాక్సాఫీసును బద్ధలుకొట్టాయి. ఈద్‌ పండుగకు వచ్చిన చిత్రాల్లో 2009వ సంవత్సరంలో వచ్చిన 'వాంటెడ్‌', 2010లో విడుదలైన దబంగ్‌, 2011లో బాడీగార్డ్‌తో పాటు ఈ సంవత్సరం ప్రేక్షకులను అలరించిన 'ఏక్‌ థా టైగర్‌'లు భారీ విజయం సాధించాయి.

అందుకే రాబోయే సంవత్సరంలోనూ ఈద్‌కు వెండితెరపై రానున్న తన చిత్రం కూడా అంతే విషయం ఉన్నది కావాలన్నది సల్మాన్‌ అభిలాష. సమాజానికి ఒక సందేశాన్ని ఇచ్చే ఈ స్టాలిన్‌ కథానాయకుడిగా బీయింగ్‌ హ్యూమన్‌ సంస్ధ ద్వారా పలు రకాల సామాజిక కార్యక్రమాలను చేపడుతున్న సల్మాన్‌ అయితేనే బాగుంటుందన్నది కూడా పలువురి అభిప్రాయం.

Comments

English summary

Salman Khan and Sohail Khan are planning to work together in a film for a long time. Earlier it was said that the two will work together soon in Sher Khan but the film was put on the back burner as Sohail wanted to concentrate on the remake of Telugu hit Stalin. It was said that this movie would be titled Radhe but according to recent reports Sohail wants to name it Mental.

Story first published: Tuesday, January 8, 2013, 12:15 [IST]