Don't Miss!
- News rasi phalalu today: ఈ రాశులవారికి శుభం; ముఖ్యమైన పనులు చేసుకోవచ్చు!!
- Sports Hardik Pandya: అస్సలు ఊహించలేదు.. ఆ తప్పిదమే మా కొంపముంచింది!
- Lifestyle చాణక్య నీతి ప్రకారం, ఈ తప్పులను నిర్లక్ష్యం చేసిన వారు జీవితంలో ఘోర వైఫల్యాన్ని ఎదుర్కొంటారు...!
- Automobiles కొత్త కాంపాక్ట్ ఎస్యూవీ బసాల్ట్ విజన్ ఎస్యూవీని ఆవిష్కరించిన సిట్రోయెన్
- Technology WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
రామ్ చరణ్ డబ్బింగ్...కాపీ సినిమా ప్రచారం మరో వైపు
ముంబై: బాలీవుడ్ నటులు సల్మాన్ ఖాన్, సోనమ్ కపూర్లు జంటగా నటిస్తున్న చిత్రం 'ప్రేమ్ రతన్ ధన్ పాయో'. ఈ చిత్రాన్ని తెలుగులోకి ప్రేమ లీల టైటిల్ తో డబ్బింగ్ చేస్తున్న సంగతి తెలిసిందే. ఈ తెలుగు వెర్షన్ కు గానూ రామ్ చరణ్ డబ్బింగ్ చెప్తున్నారు. మరో ప్రక్కన ఈ చిత్రం కథ కాపీ అంటూ ప్రచారం మొదలైంది. ది ప్రిజనర్ జెండా అనే నవల ఆధారంగా ఈ సినిమా రూపొందిస్తున్నట్లు చెప్తున్నారు.
అయితే మరో ప్రక్క అదేం కాదు...ఈ సినిమాకు మూలం గతంలో రాజశ్రీ బ్యానర్ లో వచ్చి విజయవంతమైన రాజా అవుర్ రంక్ అనే చిత్రం అనే రూమర్ బయిలుదేరింది. కవల పిల్లలు కథతో, ఒకరి స్దానంలోకి మరొకరు వచ్చే ఈ కథ లో సల్మాన్ ద్విపాత్రాభినయం చేస్తున్నారని అంటున్నారు. అయితే ఇవన్నీ వదిలిన ఒక్క ట్రైలర్ చూసి పుట్టిన రూమర్స్ కావటం విశేషం.
సుప్రసిద్ధ బాలీవుడ్ నిర్మాణ సంస్థ రాజశ్రీ ప్రొడక్షన్స్ సల్మాన్ఖాన్తో రూపొందించిన ‘మైనే ప్యార్ కియా' చిత్రం ‘ప్రేమపావురాలు' పేరుతో.. ‘హమ్ ఆప్కే హై కౌన్' ‘ప్రేమాలయం' పేరుతో తెలుగులో విడుదలై ఇక్కడ కూడా అసాధారణ విజయాలు సొంతం చేసుకోవడం తెలిసిందే.
రాజశ్రీ సంస్థ తాజాగా సల్మాన్ఖాన్తో హిందీలో రూపొందిస్తున్న ‘ప్రేమ్ రతన్ ధన్ పాయో' తెలుగులో ‘ప్రేమలీల' పేరుతో అనువాదమవుతోంది. హిందీతోపాటు తెలుగులోనూ నవంబర్ 12న విడుదలవుతున్న ఈ ప్రతిష్టాత్మక చిత్రానికి రామ్చరణ్ వాయిస్ ఇస్తుండడం విశేషం.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
సల్మాన్ఖాన్కు అత్యంత సన్నిహితుడైన రామ్చరణ్.. ‘ప్రేమలీల' చిత్రంలో సల్మాన్ ఖాన్ పాత్రకు డబ్బింగ్ చెప్పడంతో ఈ చిత్రానికి గల క్రేజ్ మరింత పెరుగుతోంది. సూరజ్ బరజాత్య దర్శకత్వం వహిస్తున్న ఈ చిత్రంలో సల్మాన్ సరసన సోనమ్ కపూర్ నటిస్తోంది. ఈ చిత్రం ట్రైలర్ను విజయ దశమి కానుకగా విడుదల చేసారు.
తమ సంస్థ నుంచి వచ్చిన ‘ప్రేమ పావురాలు, ప్రేమాలయం' చిత్రాల కోవలో ‘ప్రేమ లీల' కూడా తెలుగు ప్రేక్షకుల్ని ఉర్రూలూ గిస్తుందని సూరజ్ బరజాత్య అంటున్నారు. ఇటీవలే ఈ చిత్రం డబ్బింగ్ను రామ్చరణ్ పూర్తి చేసారు. నవంబర్ 12న ప్రపంచవ్యాప్తంగా ఈ చిత్రం విడుద కానుంది.
నీల్ నితీన్ దేశ్ముఖ్, అనుపమ్ ఖేర్, స్వర భాస్కర్, సంజయ్ మిశ్రా తదితరులు ఇతర ముఖ్యపాత్రలు పోషిస్తున్న ఈ చిత్రానికి సంగీతం: హిమేష్ రేష్మియా, నేపధ్య సంగీతం: సంజయ్ చౌదరి, చాయాగ్రహణం: వి.మణికందన్, కూర్పు: సంజయ్ సంక్ల, పంపిణీ: ఫాక్స్ స్టార్ స్టూడియోస్, నిర్మాణం: రాజశ్రీ ప్రొడక్షన్స్, కథ-స్క్రీన్ ప్లే-దర్శకత్వం: సూరజ్ బరజాత్య!